استانادا جولاقىسىن ەلەكتروندى تولەۋ جانە ديسپەتچەرلەۋ جۇيەسىن جاڭعىرتۋ شەڭبەرىندە ايالدامالاردى تسيفرلاندىرۋ جۇمىستارى باستالدى. ناقتى اتاعاندا ەندى ايالدامالاردا QR كودى بار ارنايى جاپسىرمالار ورنالاستىرىلادى. ولاردى سكانەرلەۋ ارقىلى باعدارلاردىڭ ناقتى كەلۋ ۋاقىتىن كورۋگە بولادى, دەپ حابارلايدى Egemen.kz ەلوردا اكىمدىگىنىڭ سايتىنا سىلتەمە جاساپ.
ول ءۇشىن «Avtobys» ءموبيلدى قوسىمشاسىن Google Play, App Store نەمەسە AppGallery-دەن جۇكتەپ الۋ قاجەت. قولدانبانىڭ باستى بەتىندە QR بەلگىسىن باسىپ, ايالداماداعى QR كودتى سكانەرلەگەننەن كەيىن قوسىمشادا ايالدامادان وتەتىن مارشرۋتتار جانە ولاردىڭ بولجامدى كەلۋ ۋاقىتى كورسەتىلەدى.
قازىرگى ۋاقىتتا QR كودتارى بار جاپسىرمالار 225 ايالداماعا ورناتىلعان. QR كودى بار سىزبالاردى ورنالاستىرۋ بويىنشا جۇمىستار جالعاسادى.