تۇركىستان وبلىسىنىڭ پوليتسەيلەرى بوپسالاۋ قىلمىسىنا قاتىسى بار ازاماتتى ء«ىزىن سۋىتپاي» ۇستادى. كۇدىكتى بۇعان دەيىن توناۋ مەن زاڭسىز قارۋ ساقتاۋ فاكتىلەرى بويىنشا سوتتالعانى انىقتالدى, دەپ حابارلايدى Egemen.kz Polisia.kz-كە سىلتەمە جاساپ.
«وبلىستىق پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى شىمكەنت – سامارا تاس جولى بويىندا قوماقتى اقشا بوپسالاپ, اۆتوكولىكتى زاڭسىز يەمدەنگەن كۇدىكتىنى ۇستادى. كۇدىكتى بۇعان دەيىن توناۋ مەن زاڭسىز قارۋ ساقتاعانى ءۇشىن سوتتالعان تۇركىستان قالاسىنىڭ 28 جاستاعى تۇرعىنى. ول قۇرىلىس جۇمىستارىمەن اينالىساتىن تانىسىنان 1 ميلليون تەڭگە كولەمىندە اقشا بوپسالاپ, ونىڭ BMW اۆتوكولىگىن زاڭسىز يەمدەنگەنى انىقتالدى. قازىرگى ۋاقىتتا پوليتسەيلەر قر قك-ءنىڭ 194-بابى (قورقىتىپ الۋ) فاكتىسى بويىنشا سوتقا دەيىنگى تەرگەۋ امالدارىن جۇرگىزىپ, كۇدىكتى قاماۋعا الىندى», دەلىنگەن اقپاراتتا.
كۇدىكتىنىڭ باسقا دا قىلمىسقا قاتىسى بار-جوعى انىقتالىپ جاتىر.