قازاقستان حالىقارالىق سۋ اعىندارىن پايدالانۋ تۋرالى كونۆەنتسياعا قوسىلدى. بۇگىن ء ماجىلىستىڭ جالپى وتىرىسىندا حالىقارالىق سۋ اعىندارىن كەمە جۇرمەيتىن پايدالانۋ تۇرلەرىنىڭ قۇقىعى تۋرالى كونۆەنتسيانى راتيفيكاتسيالادى, دەپ حابارلايدى Egemen.kz تومەنگى پالاتانىڭ ءباسپاسوز قىزمەتىنە سىلتەمە جاساپ.
«قۇجات 1997 جىلعى 21 مامىردا نيۋ-يوركتە جاسالعان. كونۆەنتسياعا سايكەس سۋ اعىنى مەملەكەتى ءوز اۋماعىندا حالىقارالىق سۋ اعىنىن پايدالانۋ كەزىندە باسقا مەملەكەتتەرگە ايتارلىقتاي زيان كەلتىرۋدى بولعىزباۋ ءۇشىن بارلىق ءتيىستى شارانى قابىلدايدى. سۋ اعىنى مەملەكەتتەرى سۋ اعىنى, سۋدىڭ ساپاسى جانە ءتيىستى بولجامدار تۋرالى وڭاي قولجەتىمدى دەرەكتەرمەن جانە اقپاراتتارمەن تۇراقتى نەگىزدە الماسا الادى», دەلىنگەن اقپاراتتا.
كونۆەنتسيا اياسىندا سۋ اعىنى بويىنشا مەملەكەتتەر ءوزارا كەڭەسىپ, حالىقارالىق سۋ اعىنىنىڭ جاي-كۇيى ءۇشىن جوسپارلاناتىن شارالاردىڭ ىقتيمال سالدارى تۋرالى كەلىسسوزدەردى دە جۇزەگە اسىرۋعا مۇمكىندىك تۋادى.