جاڭا جىلدان باستاپ الەۋمەتتىك وسال ساناتتاعى ادامدارعا بىرجولعى كومەك پەن تەگىن قىزمەت تۇرلەرى قوسىلدى.
2024 جىلى قازاننىڭ ەكىنشى جەكسەنبىسىندە اتاپ وتىلەتىن مۇگەدەكتەر كۇنىنە وراي الەۋمەتتىك كومەك قولدانىسقا ەنگىزىلدى. 1-توپتاعى مۇگەدەكتىگى بار ادامدارعا – 20 اەك نەمەسە 73 840 تەڭگە, 2-توپتاعى مۇگەدەكتىگى بار ادامدارعا جانە بارلىق توپتاعى ون سەگىز جاسقا دەيىنگى مۇگەدەكتىگى بار بالالارعا – 10 اەك نەمەسە 36 920 تەڭگە, 3-توپقا 5 اەك نەمەسە 18 640 تەڭگە بەرىلەدى.
سونىمەن قاتار مەرەكە كۇندەرىندە كەيبىر وسال توپتاعى ازاماتتارعا 2,5 اەك مولشەرىندە بىرجولعى اقشالاي تۇرىندە الەۋمەتتىك كومەك كورسەتىلەدى. اتاپ ايتقاندا, 4 اقپان – دۇنيەجۇزىلىك قاتەرلى ىسىككە قارسى كۇرەس كۇنى قاتەرلى ىسىك ءتارىزدى دياگونوزى بار بالالار مەن ازاماتتارعا, 8 ناۋرىز – حالىقارالىق ايەلدەر كۇنى كوپ بالالى انالارعا, ونىڭ ىشىندە از قامتىلعان انالارعا, 21-23 ناۋرىز – ناۋرىز مەيرامىنا وراي اتا-اناسىنىڭ قامقورلىعىنسىز قالعان بالالارعا, 7 مامىر – وتان قورعاۋشىلار كۇنى وتان الدىنداعى ەرەكشە ەڭبەگى ءۇشىن زەينەتاقى الۋشىلار قاتارىنداعى زەينەت جاسىنداعى ادامدارعا, 31 مامىر – ساياسي قۋعىن-سۇرگىن قۇرباندارىن ەسكە الۋ كۇنى ساياسي قۋعىن-سۇرگىننەن زارداپ شەككەن, مۇگەدەكتىگى بار نەمەسە زەينەتكەر ادامدارعا, 1 ماۋسىم – بالالاردى قورعاۋ كۇنى جەتىم بالالارعا, 29 تامىز – سەمەي يادرولىق سىناق پوليگونىنىڭ جابىلۋ كۇنى يادرولىق سىناقتاردىڭ سالدارىنان زارداپ شەككەن ازاماتتارعا, 1 قازان – قارتتار كۇنى جاسى بويىنشا زەينەتكەرلەرگە جانە زەينەتاقىنىڭ ەڭ تومەنگى مولشەرىن الۋشىلار قاتارىنداعى زەينەتكەرلىك جاستاعى ادامدارعا, 1 جەلتوقسان – دۇنيەجۇزىلىك جيتس-پەن كۇرەس كۇنى يممۋن تاپشىلىعى ۆيرۋسىن زارداپ شەگەتىندەردىڭ قاتارىنداعى الەۋمەتتىك ماڭىزى بار ناۋقاستارعا بىرجولعى الەۋمەتتىك كومەك بەرىلەدى.
بۇعان قوسا «جاپپاي ساياسي قۋعىن-سۇرگىن قۇرباندارىن وڭالتۋ تۋرالى» زاڭدا بەلگىلەنگەن تارتىپپەن 1986 جىلعى 17-18 جەلتوقسانداعى قازاقستانداعى وقيعالارعا قاتىسۋشىلار قاتارىنداعى ساياسي قۋعىن-سۇرگىن قۇرباندارىنا 16 جەلتوقساندا (تاۋەلسىزدىك كۇنى) 60 اەك مولشەرىندە الەۋمەتتىك كومەك كورسەتىلەدى.
15 اقپان – كەڭەس اسكەرلەرىنىڭ شەكتەۋلى كونتينگەنتىن اۋعانستاننان شىعارۋ كۇنى «ارداگەرلەر تۋرالى» زاڭداعى 5-بابىنىڭ 2, 3, 4, 5-تارماقتارىندا كورسەتىلگەن باسقا مەملەكەتتەردىڭ اۋماعىنداعى جاۋىنگەرلىك ءىس-قيمىلدارعا قاتىسقان ارداگەرلەرگە, اۋعانستاندا اسكەري قىزمەت وتكەرۋ كەزىندە جارالانۋى, كونتۋزيا الۋى, مەرتىگۋى نەمەسە اۋرۋى سالدارىنان مۇگەدەكتىگى بەكىتىلگەن ازاماتتارعا, سونداي-اق 26 ءساۋىر – چەرنوبىل اتوم ەلەكتر ستانساسىنداعى اپات قۇرباندارىن ەسكە الۋ كۇنى جەڭىلدىكتەرى بويىنشا ەكىنشى دۇنيەجۇزىلىك سوعىسى ارداگەرلەرىنە تەڭەستىرىلگەن ارداگەرلەرگە جانە چەرنوبىل اتوم ەلەكتر ستانساسىنداعى اپات سالدارىن جويۋعا قاتىسقان ادامدار قاتارىنداعى ادامدارعا 45 اەك مولشەرىندە الەۋمەتتىك كومەك كورسەتىلەدى.
ال 9 مامىر – جەڭىس كۇنىنە الەۋمەتتىك كومەك رەتىندە ەكىنشى دۇنيەجۇزىلىك سوعىس ارداگەرلەرىنە 1 ملن تەڭگەدەن كەم ەمەس بەرىلەدى. ۇلى وتان سوعىسىنىڭ ارداگەرلەرىنە تەڭەستىرىلگەن ارداگەرلەرگە دە 45 اەك مولشەرىندە كومەك الا الادى. الايدا ەڭبەك ارداگەرلەرىنە 15 اەك مولشەرىندە كومەك الادى. سونداي-اق الەۋمەتتىك كومەك 25 قازان – رەسپۋبليكا كۇنىندە از قامتىلعان ازاماتتارعا 4,5 اەك (ااك الۋشىلار قاتارىنان) مولشەرىندە بەرىلەدى.