ەلەنا رىباكينا اۋستراليا اشىق چەمپيوناتىنىڭ ەكىنشى اينالىمىنا شىقتى, دەپ حابارلايدى Egemen.kz قازاقستان تەننيس فەدەراتسياسىنىڭ ءباسپاسوز قىزمەتىنە سىلتەمە جاساپ.
قازاقستان تەننيسشىسى كەزىندە الەمدىك رەيتينگىدە كوش باستاعان, قازىر رەيتينگىدە 38-ورىندا تۇرعان چەحيالىق, 31 جاستاعى تاجىريبەلى كارولينا پليشكوۆامەن كەزدەستى.
ءبىرىنشى پارتيادا كارولينا برەيك جاساپ, 2:0 ەسەبىمەن العا كەتكەنىمەن, ەلەنا تارازى باسىن تەڭەستىرە الدى.
تاي-برەيكتە دە چەحيالىق سپورتشى 6:3 ەسەبىمەن العا شىعىپ, ءتورت بىردەي سەتبولىن پايدالانا المادى. رىباكينا قاتارىنان بەس دوپتى وزىنە جازدى — 7:6 (8:6).
ەكىنشى سەتتە ەسەپ 1:1 بولعان مەزەتتە وتانداسىمىز برەيكپەن العا وزدى— 2:1. الداعى ۋاقىتتا دا ءوز مۇمكىندىگىن قالت جىبەرگەن جوق — 6:4.
ەلەنا رىباكينا ەكىنشى اينالىمدا الەمنىڭ 57-راكەتكاسى, رەسەيلىك اننا بلينكوۆامەن شەبەرلىك بايقاسادى.