پرەمەر-مينيستر ءاليحان سمايىلوۆتىڭ توراعالىعىمەن وتكەن ۇكىمەتتىڭ كەزەكتى وتىرىسىندا ەلەكتر ەنەرگەتيكاسى سالاسىن ودان ءارى دامىتۋ ماسەلەلەرى قارالدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
«مەملەكەت باسشىسى ءوز جولداۋىندا كەمىندە 14 گۆت كولەمىندە قوسىمشا قۋات كوزدەرىن ىسكە قوسۋدى تاپسىردى. جالپى ىشكى ءونىمدى 2 ەسەگە دەيىن ءوسىرۋ ءۇشىن بىزگە وسىنداي كولەمدە ەنەرگيا قۋاتى قاجەت. ول ءۇشىن ەنەرگەتيكا سالاسى تەز دامۋى ءتيىس», دەدى ءا.سمايىلوۆ.
ۇكىمەت باسشىسىنىڭ ايتۋىنشا, 2030 جىلعا قاراي جاڭارتىلاتىن ەنەرگيا كوزدەرىنىڭ 15% ۇلەسىنە قول جەتكىزۋ ماقساتىندا Total Energies, Acwa Power جانە Masdar سياقتى ستراتەگيالىق ينۆەستورلارمەن ءىرى جوبالار ىسكە اسىرىلاتىن بولادى.
«جالپى 2035 جىلعا دەيىن قازاقستاننىڭ بىرىڭعاي ەلەكتر ەنەرگەتيكالىق جۇيەسىنە شامامەن 26 گۆت بازالىق جانە مانەۆرلىك گەنەراتسيانى ىسكە قوسۋ جوسپارلانىپ وتىر. قابىلدانىپ جاتقان شارالار ەلەكتر ەنەرگياسىنىڭ تاپشىلىعىن جويۋعا جانە 2030 جىلعا قاراي ونىڭ رەزەرۆىن قامتاماسىز ەتۋگە مۇمكىندىك بەرەدى», دەدى ۇكىمەت جەتەكشىسى.
ەلىمىزدە جالاۋلاتىپ باستالاتىن ء ىرى جوبالاردى ىسكە اسىرۋ تىم سوزىلىپ كەتەتىنى دە جاسىرىن ەمەس. مىسالى ەكىباستۇز گرەس-2-ءنىڭ 3-ءشى ەنەرگيا بلوگىنىڭ قۇرىلىسىن باستاۋ ء الى دە سوزبالاڭعا سالىنىپ كەلەدى. پرەمەر-مينيستر ءبىر ايدىڭ ىشىندە قۇرىلىستى باستاۋ قاجەتتىگىن تاپسىردى.