پرەزيدەنت قاسىم-جومارت توقاەۆ «Egemen Qazaqstan» گازەتىندەگى سۇحباتىندا ەلدەگى جىلۋ ەلەكتر ستانسالارى مەن تۇرعىن ءۇي كوممۋنالدىق شارۋاشىلىعى ينفراقۇرىلىمدارىنىڭ ناشار جاعدايىنا كوپجىلدىق ارەكەتسىزدىك سەبەپ دەگەندى ايتتى.
وڭىرلەردەگى جەس پەن قۇرىلعىلاردىڭ توزۋ دەڭگەيى 80 پايىزعا جەتكەن. بۇل رەتتە كوممۋنالدىق شارۋاشىلىقتارعا سالىنعان ينۆەستيتسيانىڭ ۇزاق جىل بويى ناقتى قاجەتتىلىك تالاپتارىنا سايكەس بولماۋى دا اسەر ەتكەن. بۇل – ەل تۇرعىندارىن مازالايتىن ماڭىزدى ماسەلەنىڭ ءبىرى دە بىرەگەيى. ءاتۇستى تالداۋ جاساعاننىڭ وزىندە ۇزاق ۋاقىت بويى تاريفتەردىڭ جاساندى تۇردە تەجەلىپ كەلگەنىن جانە مەملەكەتتىڭ الەۋمەتتىك جاۋاپكەرشىلىگى اياسىندا كوتەرىلمەگەنىن ايتىپ وتۋگە بولادى. الايدا وسى ماسەلەنىڭ ەكىنشى قىرى قازىرگىدەي تۇيتكىلدەردى تۋدىردى.
ەنەرگەتيكا سالاسىندا قازىر تۋىنداپ وتىرعان ماسەلەلەر – بۇرىنعى شەشىمدەردىڭ تىكەلەي اسەرى. مودەرنيزاتسياعا, جىلۋ جەلىلەرى, ەلەكتر جەلىلەرى, سۋمەن جابدىقتاۋ جۇيەسىنە كۇردەلى جوندەۋ جۇرگىزۋگە, سۋ بۇرۋ جۇيەلەرىنە قاجەتتى قاراجات سالىنعان جوق. قازىر ءبىز ينفراقۇرىلىمنىڭ جوعارى دەڭگەيدەگى توزۋىن كورىپ وتىرمىز. كەي جەرلەردە سىن كوتەرمەستەي ناشارلاپ كەتكەن. جاعدايدى تۇزەتۋ ءۇشىن ينۆەستيتسيالاردى قازىر جانە ۇلكەن كولەمدە سالۋ كەرەك. اشىق دەرەككوزدەرگە سايكەس, مەملەكەت ينجەنەرلىك جەلىلەردى جاڭعىرتۋعا جانە كۇردەلى جوندەۋگە 300 ملرد تەڭگەگە جۋىق قارجى سالعان. جەو يەلەرى جوندەۋگە 19 ملرد تەڭگە ينۆەستيتسيا سالدى. الايدا بۇل – جەتكىلىكسىز. مىسالى, ء«تاريفتى ينۆەستيتسياعا ايىرباستاۋ» ارنايى باعدارلاماسى قابىلدانادى. 5-6 جىل ىشىندە جوندەۋ جانە مودەرنيزاتسيالاۋ جۇمىستارى توزۋ دەڭگەيىن كەم دەگەندە نورماتيۆتىك دەڭگەيگە دەيىن تومەندەتۋ ءۇشىن بەلسەندى تۇردە جالعاسادى.
قاسىم-جومارت توقاەۆ بۇل جۇمىسقا ءوز باعاسىن بەردى. ونىڭ ايتۋىنشا, 2023 جىلدىڭ كوكتەم-جازعى كەزەڭىندە «ۇكىمەت پەن وڭىرلەردىڭ اكىمدەرى جىلۋ بەرۋ ماۋسىمىنا ساپالى دايىندىقتى قامتاماسىز ەتۋ ءۇشىن شارالار قابىلدادى. قيىن جاعدايى بار پروبلەمالىق وبەكتىلەردە جۇمىس جۇرگىزىلدى». ەندىگى مىندەت – كەم دەگەندە اۋىر اپاتتاردىڭ بولۋىنا جول بەرمەۋ جانە ازاماتتاردىڭ ۇيلەرىنە جىلۋ بەرۋدى كىدىرتىپ الماۋ. جاڭا قۋاتتاردى ەنگىزىپ, ينجەنەرلىك جەلىلەردى جاڭارتىپ جانە تكش-نىڭ بارلىق سالاسىن جاڭعىرتا الساق, ءتىپتى جاقسى.
وسى رەتتە كوكشەتاۋ, سەمەي جانە وسكەمەندە سالىنعالى وتىرعان ءۇش بىردەي جاڭا جەس-تەردى اتاپ وتۋگە بولادى. وسى قالالارداعى جىلۋ بەرۋ جۇمىسى ويداعىداي اتقارىلۋى ءۇشىن ۇشەۋىنىڭ دە قۇرىلىسى كەسىمدى ۋاقىتىندا بىتۋگە ءتيىس. بىراق ىسكە اسىراتىن جۇمىس اۋقىمى وتە ۇلكەن. ەنەرگەتيكا الداعى ۋاقىتتا ونداعان, ءتىپتى جۇزدەگەن ميلليارد تەڭگە سالىمدى تالاپ ەتەدى. بۇل – ۇكىمەت پەن ءوڭىر اكىمدەرىنىڭ مىندەتى.
اندرەي چەبوتارەۆ,
قارجىگەر