اباي گارنيزونىنىڭ ينجەنەر-ساپەرلەرى «شىعىس» اسكەري وڭىرلىك قولباسشىلىعىنىڭ دالالىق جاتتىعۋ پوليگونىندا جاۋىنگەرلىك دايىندىق ساباقتارىن پىسىقتادى, دەپ حابارلايدى Egemen.ءkz تىلشىسى اباي وڭىرلىك گارنيزونىنىڭ ءباسپاسوز قىزمەتىنە سىلتەمە جاساپ.
«شىعىس» اسكەري وڭىرلىك قولباسشىلىعىنا قاراستى 54770 اسكەري ءبولىمى جاۋىنگەرلىك دايىندىق جوسپارىنا سايكەس جاس ساربازدارعا العاش رەت جارىلۋ جۇمىستارىن ورىنداتىپ سىناقتان وتكىزدى.
بۇل جاۋاپتى اسكەري شارا الدىمەن تاجىريبەلى نۇسقاۋشىلاردىڭ جەتەكشىلىگىمەن, قاۋىپسىزدىك تالاپتارىن جەتكىزۋمەن باستالىپ, ينجەنەرلەر قالاشىعىندا ءۇش وقۋ نۇكتەسى بويىنشا دايىندالدى. وندا جارىلىس جۇمىستارىن جۇرگىزۋ بارىسىنداعى قاۋىپسىزدىك ەرەجەلەرى, ارنايى قۇرالداردى قولدانۋ مەن تاسىلدەرى جەتە ءتۇسىندىرىلدى. سونداي-اق وتتىق جانە ەلەكتر تاسىلدەرىمەن جارىلىس جۇمىستارىنىڭ بارىسى مەن ەرەكشەلىكتەرى باياندالدى.
ء«بىز ەكى اي بويى كوپتەگەن ساباقتاردى تەوريا تۇرىندە وقىعان ەدىك. بۇگىن پراكتيكالىق تۇرعىدان ءوز ورىنداۋىمىزدا جۇزەگە اسىرىپ وتىرمىز. باسىندا, ارينە, قوبالجۋ بولدى. ال قازىر ءوزىمدى ناعىز ساپەر رەتىندە سەزىنەمىن», دەيدى قاتارداعى جاۋىنگەر وراز نۇراسىل.
ساربازدار وسى ۋاقىتقا دەيىن العان تەوريالىق بىلىمدەرىن وسىلايشا تاجىريبە جۇزىندە ىسكە اسىرىپ, جارۋ جۇمىستارىنا قىزىعۋشىلىقپەن جانە زور ىنتامەن قاتىستى. جارىلىس جۇمىستارى كەزىندە قاۋىپسىزدىك ەرەجەلەرى قاتاڭ ساقتالدى.
ايتا كەتۋىمىز كەرەك, جاس ساربازداردىڭ جاۋىنگەرلىك دايارلىعى ەلىمىزدىڭ قورعانىس قابىلەتىن ودان ءارى ارتتىرۋعا باعىتتالادى.