وبلىستىڭ توتەنشە جاعدايلار دەپارتامەنتى دەرەگىنشە, كۇشى 3 بالعا دەيىن جەتكەن جەراستى ءدۇمپۋىن سەيسميكالىق ستانسالار جەلىسى ساعات 22:08-دە تىركەگەن, دەپ حابارلايدى Egemen.kz.
ءدۇمپۋ وشاعى الماتى قالاسىنان سولتۇستىك-شىعىسقا قاراي 230 شاقىرىمداعى جەتىسۋ وڭىرىندەگى تەكەلى قالاسىنان 20 شاقىرىم جەردەگى تاۋلى اۋماقتا ورنالاسقان.
«جەر سىلكىنىسىنىڭ ەنەرگەتيكالىق كلاسى – 9,7. ماگنيتۋداسى – MPV 4.6. تەرەڭدىگى – 15 كم. قابىلداۋ تۋرالى اقپارات (MSK-64 شكالاسى بويىنشا): تەكەلى قالاسىندا 3 بالل», دەپ مالىمدەدى وبلىستىق تجد ءباسپاسوز قىزمەتى.
وبلىستىق تجد جەرگىلىكتى اتقارۋشى ورگانداردى, پوليتسيا دەپارتامەنتىن, پروكۋراتۋرانى جانە باسقا ۇيىمداردى قۇلاعدار ەتتى. جاعداي ناقتىلانىپ جاتىر. قيراۋ جانە قۇرباندار تۋرالى اقپارات تۇسپەگەن.