تىگىنشىلەر تىلەگىن تىڭدادى

قازىرگى تاڭدا تىگىن فابريكاسىندا 100-دەن اسا ادام جۇمىسپەن قامتىل­عان. تىگىن تسەحى نەگىزىنەن مەملەكەت­تىك جانە شەتەلدىك تاپسىرىستى ورىندايدى. بۇگىندە رەسەيلىك تەمىرجول قىزمەتكەرلەرىنە ارنايى كيىمدەر تىگىپ جاتىر. قىزمەتكەرلەردىڭ ورتاشا ەڭبەكاقىسى 150-200 مىڭ تەڭگەنى قۇرايدى. ونداعى جۇمىسشىلاردىڭ 95 پايىزى نازىك جاندار.

كەزدەسۋدە حالىق قالاۋلىسى ماكسيم روجين گەندەرلىك تەڭدىكتى قامتا­ما­سىز ەتۋ, قىز-كەلىنشەكتەردىڭ قۇقىعىن قورعاۋ جانە وتباسىلىق قۇندىلىقتاردى نىعايتۋ ماسەلەسى ارقاشان مەملەكەت باسشىسى قاسىم-جومارت توقاەۆتىڭ نازارىندا ەكەنىن اتاپ ايتتى.

«پرەزيدەنت انا مەن بالانى قور­عاۋ, وتباسى تاربيەسى مەن وتباسىلىق قۇندىلىقتار ماسەلەسىنە ەرەكشە كوڭىل ءبولىپ كەلە جاتىر. اينالىپ كەلگەندە, مەملەكەتتىڭ دە باستى تىرەگى باقىت­تى, تاتۋ-ءتاتتى وتباسى. سوندىقتان وتبا­­سىنداعى ىزگىلىك, ادامگەرشىلىك, سىي­لاس­تىق قارىم-قاتىناستى بەرىك ساقتاۋ ماڭىزدى. مۇنىڭ قۇندىلىعىن سىزدەر­دەن ارتىق ەشكىم بىلمەيدى. قازاقتىڭ قىز­دارى وتباسىن دا, وتانىن دا تەڭ تەربەپ وتىر», دەدى ماجىلىسمەن.

كەزدەسۋ بارىسىندا فابريكا وكىل­دەرى وزدەرىنىڭ جۇمىستارى جايىندا ايتىپ, شيكىزاتقا بايلانىستى وزەكتى ماسەلەلەر بارىن العا تارتتى, تولعان­دىرعان سۇراقتارىن قويدى.

«قازىرگى زامانعى نارىقتىق ساۋدا جۇيەسىنىڭ مىندەتى – سورەلەردە وتاندىق ونىمدەردىڭ تۇراقتى تۇردە قولداۋ تاۋىپ, ساتىلىمدا بولۋى وتە ماڭىزدى. وتاندىق كاسىپورىندار مەملەكەت تاراپىنان قولداۋ تاۋىپ تا كەلەدى. بىراق ءبىز شىعاراتىن ونىمدەردىڭ شيكىزاتى قازاقستاندا جوق. سوندىقتان باسقا ەلدەن الدىرتامىز. ال سول تاۋارلاردىڭ 30 پايىز سالىعىن ءبىز كەدەن بەكەتتەرىنە تولەۋگە ءماجبۇرمىز», دەيدى فابريكا وكىلى ءامينا قاناشاەۆا.

تاراپتار وڭىردەگى وزەكتى ماسەلەلەردى جانە ولاردى زاڭ جۇزىندە شەشۋ جولدارىن تالقىلادى. ماسەلەنىڭ انىق-قانىعىنا جەتكەن ماجىلىسمەن بۇل ماسەلەنى ءوز باقى­لاۋىنا الاتىنىن جەتكىزدى.

جۇمىسشىلار وڭىردە مۇنداي تىگىن فابريكالار كەيىنگى ۋاقىتتا قارقىندى دامىپ كەلە جاتقانىن اتاپ ءوتىپ, مەم­لەكەتتىك ساتىپ الۋلار زاڭى اياسىندا شەتەلدىك ەمەس, وتاندىق ءونىمنىڭ نەعۇر­لىم كوبىرەك ساتىلۋ تەتىكتەرى قاراس­تىرىلسا دەگەن تىلەكتەرىن ءبىلدىردى.

الماتى وبلىسى