سەناتتىڭ ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنىڭ دەپۋتاتتارى كەڭەيتىلگەن وتىرىس وتكىزدى. وندا ەكسپورتتىق-كرەديتتىك اگەنتتىك قۇرۋ جانە شيكىزاتتىق ەمەس تاۋارلاردىڭ ەكسپورتىن ىلگەرىلەتۋ تۋرالى زاڭ تالقىلاندى.
زاڭ مەملەكەت باسشىسىنىڭ «ادىلەتتى قازاقستاننىڭ ەكونوميكالىق باعدارى» جولداۋى اياسىندا قاجەتتى قۇرالداردى جيناقتاي وتىرىپ, ەكسپورتتى ىلگەرىلەتۋدەگى تولىققاندى ينستيتۋت قۇرۋ جونىندەگى تاپسىرماسىن ورىنداۋ ماقساتىندا ازىرلەندى. وندا 2 كودەكس پەن 8 زاڭعا تۇزەتۋلەر ۇسىنىلىپ وتىر.
مىسالى, «قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل تۋرالى» زاڭعا اگەنتتىكتى قارجىلىق مونيتورينگ سۋبەكتىسىنە جاتقىزۋدى كوزدەيتىن تۇزەتۋ بار. سونىمەن قاتار «ونەركاسىپتىك ساياسات تۋرالى» زاڭدا ۇلتتىق دامۋ ينستيتۋتىنىڭ شيكىزاتتىق ەمەس ەكسپورتتى دامىتۋ جانە ىلگەرىلەتۋ جونىندەگى فۋنكتسيالارى تولىقتىرىلادى.
دەپۋتاتتار كەڭەيتىلگەن وتىرىستىڭ قورىتىندىسى بويىنشا زاڭدى پالاتانىڭ قاراۋىنا جىبەرۋ تۋرالى شەشىم قابىلدادى.