يندونەزيانىڭ دەپوك قالاسىندا FIRST Tech Challenge روبوتوتەحنيكا بويىنشا اشىق ويىندار ءوتتى. چەمپيوناتقا قازاقستاننان «Antares», «124», «زامان» جانە «Shanyraq» كوماندالارى قاتىستى, دەپ حابارلايدى Egemen.kz وقۋ-اعارتۋ مينيسترلىگىنىڭ ءباسپاسوز قىزمەتىنە سىلتەمە جاساپ.
9-11 سىنىپ وقۋشىلارىنان قۇرىلعان بۇل كوماندالاردىڭ قۇرامىندا الماتى قالاسىنىڭ اباي اتىنداعى رممي مەن №124 ورتا مەكتەبىنىڭ, سونداي-اق سەمەي قالاسىنىڭ ش.قۇدايبەردى ۇلى اتىنداعى كوپسالالى مەكتەبىنىڭ ءبىلىم الۋشىلارى بار. وقۋشىلار وڭتۇستىك-شىعىس ازيا ەلدەرىنەن كەلگەن 150 جاس روبوتوتەحنيكا جاساۋشىلارمەن بىرگە بىرنەشە كۇن بويى ءوز جۇمىستارىمەن باسەكەگە ءتۇستى. ناتيجەسىندە ءبىزدىڭ ورەندەر 7 جۇلدەمەن ورالدى.
يندونەزيادا وتكەن ورە بايگەسىنە جولدامانى قازاقستاننان بارعان وقۋشىلار وسى جىلدىڭ جەلتوقسان ايىندا وقۋ-اعارتۋ مينيسترلىگىنىڭ جانە الماتى قالاسى اكىمدىگىنىڭ قولداۋىمەن USTEM Foundation قوعامدىق قورى ۇيىمداستىرعان Almaty Tech Cup رەسپۋبليكالىق تۋرنيرىندە ولجالادى.