سولتۇستىك قازاقستان وبلىسىندا وتكەن جىلى 9 ادام تۇرمىستىق زورلىق-زومبىلىق سالدارىنان قايتىس بولدى. 2,5 مىڭعا جۋىق قۇقىقبۇزۋشىلىق تىركەلىپ, 618 ازامات اكىمشىلىك قاماۋعا الىندى, دەپ حابارلايدى Egemen.kz khabar.kz ارناسىنا سىلتەمە جاساپ.
تاعى 300-دەن استام بۇزاقىعا ەسكەرتۋ جاسالىپ, جەتەۋىنە ايىپپۇل سالىنعان. ەندى جۇدىرىق الا جۇگىرەتىندەرگە جازا كۇشەيەدى.
«بىلتىر تۇرمىستىق ۇرىس-كەرىس سالدارىنان وبلىستا 9 ادام قايتىس بولدى. ونىڭ بەسەۋى ايەل بولسا, قالعانى ەر ازامات. قايتىس بولعانداردىڭ ورتاشا جاسى − 30 بەن 45 جاس ارالىعىندا. قىلمىستىڭ كوبى پەتروپاۆل قالاسىندا جاسالعان. ستاتيستيكاعا سۇيەنسەك, وتباسىلىق جانجالدىڭ شىعۋىنا باستى سەبەپ جۇمىسسىزدىق جانە تۇرمىستىق جاعدايدىڭ تومەندىگى بولىپ وتىر», دەدى جەرگىلىكتى پوليتسيا قىزمەتىنىڭ اعا ينسپەكتورى ءاسيا ءابجانوۆا.