كەيىنگى جىلدارى ەلىمىزدە لاك-بوياۋ ماتەريالدارى نارىعى ايتارلىقتاي ءوستى. رەسپۋبليكادا يمپورت ءونىم ازايىپ كەلەدى, ال ەلدە جۇمىس ىستەپ تۇرعان كومپانيالار مەن كونتسەرندەر ءوز ديستريبيۋتورلىق جەلىلەرىن دامىتىپ وتىر. وسى رەتتە ءماجىلىس دەپۋتاتى رۋسلان قوجاسباەۆ جەتىسۋعا كەلىپ, «الماتينسكيە كراسكي» جشس كومپانياسىنىڭ جۇمىسىمەن تانىستى.
دەپۋتات جۇمىس ساپارىن تالدىقورعان قالاسىنان باستاپ, اۋەلى «الماتينسكيە كراسكي» جشس-عا قاراي جول تارتتى. كوپكە ايان, بارلىق وڭىردە لاك-بوياۋ كومپانيالارى مەن كونتسەرندەردىڭ قىزمەتى دامىپ, ءونىمىن الەمگە تاراتىپ كەلەدى. بۇگىندە كورشى ەلدەرگە دە ەكسپورتتايدى. بۇل قاتاردا «الماتينسكيە كراسكي» جشس دا بار. بۇل – لاك-بوياۋ ماتەريالدارى مەن جول جوندەۋگە ارنالعان ماتەريالدار شىعاراتىن وندىرىستىك كومپانيا. ەل اۋماعىندا 2009 جىلدان بەرى تابىستى جۇمىس ىستەپ كەلەدى.
ونىمدەرى وزىق تەحنولوگيالار بويىنشا وندىرەتىن زاۋىت جىلىنا 5 مىڭ توننا لاك-بوياۋ ماتەريالدارى مەن 6 مىڭ توننا تەرموپلاستيك شىعارادى. كاسىپورىندا 100-گە جۋىق بىلىكتى جۇمىسشى جۇمىس ىستەيدى. ءوندىرىستى ۇيىمداستىرۋ ءۇشىن بارلىق قاجەتتى ينفراقۇرىلىم جاسالعان.
كەزدەسۋ بارىسىندا اتالعان مەكەمەنىڭ ورىنباسارى ريمما سالىقوۆا دەپۋتاتقا وتاندىق ونىمدەردى بارىنشا قولداۋ تابۋى قاجەت ەكەنىن جەتكىزدى.
«قازىرگى زامانعى نارىقتىق ساۋدا جۇيەسىنىڭ مىندەتى – سورەلەردە وتاندىق ونىمدەردىڭ تۇراقتى تۇردە قولداۋ تاۋىپ, ساتىلىمدا بولۋى ماڭىزدى. «الماتينسكيە كراسكي» جشس ونىمدەرى جاڭا وزىق تەحنولوگيالار بويىنشا وندىرىلەدى. ست-KZ شىعۋ سەرتيفيكاتى بار. 2010 جىلى كاسىپورىندا قر ست يسو 9001-2009 تالاپتارىنا سايكەس كەلەتىن ساپا مەنەدجمەنتى جۇيەسى ەنگىزىلدى, سونىڭ نەگىزىندە كومپانياعا ساپا مەنەدجمەنتى جۇيەسىنىڭ سايكەستىك سەرتيفيكاتى بەرىلگەن. وسى سەرتيفيكاتتار الداعى ۋاقىتتا كۇشىن جويماۋىن جانە ۇزاقمەرزىمدى كەلىسىمشارتتار جاساۋ قاجەتتىلىگىن قولداۋ قاجەت», دەيدى ر.سالىقوۆا.
ءوز كەزەگىندە دەپۋتات مەكەمە قىزمەتكەرلەرىن تولىق قولداپ, ماسەلەنى باقىلاۋعا الاتىنىن جەتكىزدى. قازىرگى ۋاقىتتا زاۋىتتا ىدىس, لاك-بوياۋ جانە تەرموپلاستيكا وندىرەتىن تسەحتار جۇمىس ىستەيدى.
جەتىسۋ وبلىسى