جەزقازعان – وسكەمەن ۇشاق جولى

اۆيارەيستەردى اپتانىڭ سارسەنبى, جۇما كۇندەرى qazaq air اۋەكومپانياسىنا تيەسىلى جاڭا گەنەراتسيالانعان «de-Havilland Dash 8-Q400» كانا­دالىق اۋە كەمەسى اتقارادى. ەكى اراعا كەتەتىن ۇشۋ ۋاقىتى ەكى ساعات مولشەرىندە. باعاسى دا قالتاعا اۋىرلىق تۇسىر­مەيدى. ەرە­سەكتەر ءۇشىن 15 مىڭ تەڭگە بولسا, 14 جاسقا دەيىنگى بالالار 50 پايىز جەڭىلدىكتى پايدالانا الادى.

قولجۇگىن تاسىمالداۋ نورماسى – 5 كگ, جول­جۇگى – 20 كگ. ۇشۋ داتاسى مەن بيلەتتەردى قايتارۋ كەزىندە اقشا ۇستالمايدى.

– وبلىس اشىلعاننان بەرى ەلىمىزدىڭ باسقا وڭىرلەرىمەن اۋە قا­تىناسى دا جيىلەي ءتۇستى. بۇ­رىنعى استانا, الماتى, قا­را­عاندى باعىتتارىنا وتكەن جىلى شىمكەنت باعىتى قوسىلسا, ەندى مىنە, ۇلىتاۋلىقتار شىعىس قا­­زاقستانعا, ولاردان بىزگە ۇشاق­­پەن قاتىناۋ مۇمكىندىگى تۋ­ىنداپ وتىر. ەگەر بۇرىن بۇل ەكى ارالىقتا تىكەلەي كولىك قاتى­ناسى بولماعانىن ەسكەرسەك, جاڭادان اشىلعان اۋە قاتى­ناسىنىڭ ورنى ەرەكشە بولعالى تۇر, – دەيدى وبلىس اكىمىنىڭ ءباسپاسوز حاتشىسى ەركەناز شوقان.

ال ءبىز ءوز تاراپىمىزدان ۇلى­تاۋدان ۇشاتىن ۇشاقتار سانى جيى­لەي تۇسسە ەكەن دەگەن تىلەك قوس­تىق.

ۇلىتاۋ وبلىسى