تسيفرلىق عالامعا جان بىتىرگەن شۆەيتساريا عالىمى, ينفورماتيكا مامانى نيكلاۋس ۆيرت 89 جاسىندا قايتىس بولدى.
نيكلاۋس ۆيرت 1934 جىلى 15 اقپاندا شۆەيتساريادا دۇنيەگە كەلگەن. IT اتاسىنىڭ باعدارلامالاۋ ءتىلى ايقىندىق, قاراپايىمدىلىق جانە تيىمدىلىگىمەن ەرەكشە. ۆيرت باعدارلامالاۋ تىلدەرى ناقتى بەكىتىلگەن ەرەجەلەر جيىنتىعىنا اينالۋى كەرەك دەپ ەسەپتەگەن. سول ماقساتىنا جەتۋ ءۇشىن 1968 جىلى ۇلكەن توپ جاساقتاپ, اتاقتى فيزيكتىڭ قۇرمەتىنە قويىلعان «پاسكال» ءتىل جوباسىن دايىندادى. ءبىرشاما ەڭبەكتەن كەيىن ءارتۇرلى پلاتفورمالارعا وتۋگە مۇمكىندىك بەرەتىن ارالىق p-كودى بار پاسكال ماشيناسى تسيفرلىق الەمگە اياق باستى. سولاي 1970 جىلى نيكلاۋس ۆيرت پاسكال باعدارلامالاۋ ءتىلىن قۇردى. ونىڭ نەگىزىندە Object Pascal جانە Delphi دۇنيەگە كەلدى. عالىم بۇل تۋرالى «مەن ءومىر بويى بارىنشا كۇشتى, بىراق سونىمەن قاتار مۇمكىندىگىنشە قاراپايىم ءتىلدى دامىتۋدى ماقسات ەتتىم» دەگەن ەدى. قازىرگى كەزدە بارلىق دەربەس كومپيۋتەرلەر وسى تىلدە جۇمىس اتقارادى. پاسكال تىلىندە جازىلعان باعدارلامانىڭ دۇرىستىعى كومپيۋتەردە جەڭىل تەكسەرىلەدى جانە جىبەرىلگەن قاتە تەز تۇزەتىلەدى. بۇل باعدارلامالاۋ ءتىلىنىڭ باستى ماقساتى – ستۋدەنتتەرگە كاسىبي باعدارلامالاۋدى ۇيرەتۋ. دەگەنمەن كۇردەلى پراكتيكالىق ماسەلەلەردى شەشۋگە دە جارامدى بولدى. 1990 جىلدارى ول ەڭ كوپ تارالعان الگوريتمدىك تىلدەردىڭ بىرىنە اينالدى. الەمدى تەز جاۋلاعان كوممەرتسيالىق العاشقى باعدارلامالاۋ ءتىلى بولىپ تاريحتا قالدى.
ۆيرت – سونداي-اق Euler, PL 360, ALGOL w, Modula جانە Oberon تىلدەرىنىڭ دە اۆتورى. ول كومپيۋتەرگە قاتىستى نەبىر ازىرلەمەلەردى دايىندايتىن «Xerox PARC» زەرتحاناسىندا دا جۇمىس ىستەگەن. 1984 جىلى ينفورماتيكا بويىنشا الەمدەگى ەڭ بەدەلدى سىيلىق «تيۋرينگ» سىيلىعىنىڭ لاۋرەاتى بولدى. ستەنفورد ۋنيۆەرسيتەتىندە, تسيۋريح ۋنيۆەرسيتەتىندە, ETHZ-دە قانشاما جىل بويى ادال جۇمىس ىستەدى. نيكلاۋس ۆيرت الەمنىڭ بىرنەشە ەلىنىڭ قۇرمەتتى دوكتورى.