الماتى مەن قالا ماڭىنداعى جەر سىلكىنىسىن سەيسميكالىق ستانتسيا تىركەدى, دەپ جازادى Egemen.kz.
بۇگىن, 7 قاڭتار الماتى ۋاقىتىمەن تاڭعى 09:10 شاماسىندا جەر سىلكىندى.
تەربەلىس وشاعى الماتى قالاسىنان شىعىسقا قاراي 55 شاقىرىم جەردە, قازاقستان اۋماعىندا ورنالاسقان.
ءزىلزالانىڭ ەنەرگەتيكالىق ساناتى — 9.3. MPV ماگنيتۋداسى — 4.6.
تەرەڭدىگى — 10 شاقىرىمعا جەتكەن.
«MSK-64 باعانى بويىنشا قازاقستان اۋماعىندا, ونىڭ ىشىندە تۇرگەندە — 3 بالل, الماتىدا — 2 بالل كۇشى سەزىلدى», دەلىنگەن سەيسميكالىق ستانسياداعى كەزەكشى وپەراتوردىڭ حابارلاماسىندا.