قىزىلوردالىق 28 جاستاعى اقبوتا ءابساتتار ۇشەم دۇنيەگە الىپ كەلدى. ونىڭ 1-ەۋى ۇل بالا بولسا, 2-ەۋى قىز بالا, دەپ حابارلايدى Egemen.kz.
قىزىلوردا وبلىستىق پەريناتالدىق ورتالىعىندا 2023 جىلدىڭ 8 جەلتوقسان كۇنى ۇشەم دۇنيەگە كەلدى.
نارەستەرلەر اناسىنىڭ جۇكتىلىگىنىڭ 33-ءشى اپتاسىندا ءومىر ەسىگىن اشتى.
قىزىلوردا قالاسىندا تۇراتىن 28 جاستاعى اقبوتا ءابساتتار مەن 30 جاستاعى نۇرسۇلتان قازبەك سانيتارلىق-ەپيدەميولوگيالىق باقىلاۋ سالاسىندا قىزمەت اتقارادى.
ولاردىڭ بۇدان بولەك 2 جاسار جانتورە اتتى ۇلى بار.
نارەستەلەردىڭ دۇنيەگە كەلگەندەگى سالماعى — 1830, 1670, 1200 گرامم بولدى. نارەستەلەر بىرنەشە مينۋت ايىرماشىلىقپەن دۇنيەگە كەلدى.
شاقالاقتار 1 ايعا جۋىق وبلىستىق پەريناتالدىق ورتالىعى دارىگەرلەردىڭ ءجىتى باقىلاۋىندا بولىپ, تۇراقتى ەم قابىلدادى.
قازىرگى تاڭدا سابيلەردىڭ جانە اناسىنىڭ جاعدايى جاقسى. نارەستەلەردىڭ ەسىمىن اتا-اجەسى ءالينۇر, ادينا, مەدينا دەپ قويدى.