Astana Hub – العىرلار ورداسى

باسەكە تابالدىرىعىن 2018 جىلى اتتا­عان العىرلار ورداسى بۇگىندە ورتا­لىق ازياداعى ەڭ ءىرى يننوۆاتسيالىق حاب­قا اينالىپ ۇلگەردى. وسى ۋاقىتقا دەيىن تەحنوپارك قۇرامىنداعى ءىت كومپا­نيالاردىڭ جالپى تابىسى 1,6 ملرد دوللاردى قۇرادى. تارتىلعان ينۆەستيتسيا كولەمى 517 ملن دوللارعا جەتىپ, اشىلعان جۇمىس ورىندارىنىڭ سانى 20 مىڭنان استى. حالىقارالىق دەڭگەيدەگى IT وردانىڭ تىنىس-تىرشىلىگى كوز سۇيسىنتەدى.

IT سالانىڭ دامۋىنا بىردەن-ءبىر نەگىز بولىپ وتىرعان تەحنوپارك ەل اۋماعىن­دا, بۇكىل الەمدە جوعارى تەحنولوگيالىق كومپانيالاردى تىركەۋ, دامىتۋ ىسىمەن اينالىسادى. نەگىزگى ماقساتى – ستارتاپ مادەنيەتىن دامىتۋ, نىعايتۋ, يننو­ۆاتسيالىق جوبالار ارقىلى ەل ەكونوميكاسىن كوتەرۋ. باسىم تەحنولوگيالىق باعىتتار رەتىندە 7 ورتالىعى بار: Blockchain, SpaceTech, 5G, GameDev, Defence Tech, OTS Digital Center, AI. ماق­ساتتى اۋديتورياسى ستار­تاپتارعا, ۆەن­چۋرلىق ينۆەستورلار مەن بيزنەس-پەرىش­تەلەرگە, وتاندىق جانە شەتەلدىك IT كوم­پانيالارعا, IT سالا ماماندارى مەن اۋەسقويلارعا ارنالعان.

مۇندا ستارتاپتاردى دامىتۋ باع­دار­لاماسى جۇزەگە اسىرىلادى. ەڭ تانىمالى – اكسەلەراتسيالىق جانە ينكۋباتسيا­لىق باعدارلامالار. اكسەلەراتوردا ىرىك­تەۋ كريتەريلەرىنە سايكەس ستارتاپتى جەدەل دامىتۋ ءۇشىن جەتەكشى جاتتىقتىرۋشى­لار 300 ساعاتتان استام كەڭەس بەرەدى. سون­داي-اق تابىستى كاسىپكەرلەردىڭ تا­لىم­گەرلىك باعدارلامالارى وتكىزىلەدى. ال ينكۋباتسيالىق باعدارلامادا قاتىسۋ­شىلارعا بىرىڭعاي كوۆوركينگكە, ءبىلىم بازاسىنا, ساراپشىلاردان كەڭەس الۋعا جانە قارجىلاندىرۋدىڭ ءبىرىنشى راۋندىن تارتۋعا كومەك بەرىلەدى. مىسالى, «Google For Startups» كومپانياسىمەن بىرگە جۇزەگە اسىرىلىپ جاتقان «Silkway Accelerator» باعدارلاماسىنا قاتىسۋ ءۇشىن 1 مىڭنان استام ءوتىنىم ءتۇستى. ءتورت لەكتىڭ ناتيجەسىندە 49 ۇزدىك جوبا اكسەلەراتسيا باعدارلاماسىن اياقتادى. كومپانيالاردىڭ جالپى كاپيتالى 400 ملن دوللاردان, ال اي سايىنعى كىرىسى 1,5 ملن دوللاردان استى. باعدارلامانىڭ بارلىق كەزەڭىندە ستارتاپ-جوبالار جالپى العاندا 26 ملن دوللاردان استام ينۆەستيتسيا تارتىپ, بىرىككەن اراب امىرلىكتەرى, تۇركيا, اقش جانە باسقا دا ەلدەردىڭ نارىعىنا شىقتى.

«Startup Garage» باعدارلاماسى دامۋ­دىڭ باستاپقى كەزەڭدەرىندە جان-جاقتى قولداۋدى ۇسىنادى, ال Scalerator وتان­دىق ستارتاپتاردىڭ جاھاندىق نارىققا شىعۋىنا كومەكتەسەدى. سوڭعىسىن جۇزەگە اسىرۋ بارىسىندا قاتىسۋشىلار جالپى سوماسى 416 ملن تەڭگەدەن استام ەكسپورت­تىق كەلىسىمشارتتار مەن كەلىسىمدەر جاسادى. Draper University-مەن سەرىكتەستىكتە, دۇنيەجۇزىلىك بانكتىڭ قولداۋىمەن جۇزەگە اسىرىلاتىن Hero Training اكسەلەراتورى ستارتاپتارعا اقش-تاعى كرەم­ني القابىنا جولداما الۋعا بىردەن-ءبىر مۇم­كىندىك ۇسىنادى. بۇگىنگى تاڭدا يننوۆاتسيالار وشاعىنا 27 ستارتاپ جول تارتتى, الداعى ۋاقىتتا ورتالىق ەۋرازيادان جىل سايىن كەمىندە 30 الەۋەتتى جوبانى جىبەرۋ جوسپاردا بار. وسىنشاما قىرۋار جۇمىستىڭ ارتىندا تەحنوپارك قىز­مەتكەرلەرىنىڭ ەڭبەگى جاتىر.

– ءبىزدىڭ كەڭسەنىڭ جاۋاپكەرشىلىك ايماعى بىرقاتار ستراتەگيالىق جانە وپە­­راتسيالىق مىندەتتى قامتيدى. مەن ين­نوۆاتسيالىق كوۆوركينگ كەڭىستىكتە­رىن, ۇدەتكىشتەر مەن ينكۋباتورلارعا جاۋاپ بەرەتىن HubSpace باعدارلاماسىن جۇزەگە اسىراتىن توپتى باسقارامىن. ءبىز Astana Hub ينفراقۇرىلىمىن جاق­سارتاتىن جاڭا تۇجىرىمدامالىق شە­شىمدەردى ەنگىزۋ بويىنشا جۇمىس ىستەپ جا­تىرمىز. بۇعان زاماناۋي تەحنولوگيا­لاردى ەنگىزۋ, باسقارۋ ادىستەرىن جەتىل­دىرۋ كىرەدى. نەگىزگى باعىتتارىمنىڭ ءبىرى – ستارتاپتاردىڭ جۇمىس ىستەۋىنە قولايلى جاعداي جاساۋ. ءبىز ينفراقۇرىلىم­دى ۇيىمداستىرۋعا نازار اۋدارامىز, قاۋىپ­سىزدىكتى, رەسۋرستارعا قولجەتىمدىلىكتى قام­تاماسىز ەتەمىز جانە كاسىپكەرلەردىڭ ساپالى جۇمىسى مەن ءوزارا ءىس-قيمىلىنا ىقپال ەتەتىن جاعدايلار جاسايمىز, – دەدى تەحنوپاركتەگى ينفراقۇرىلىمدى دامىتۋ كەڭسەسىنىڭ ديرەكتورى ءمادينا ابىلقاسىموۆا.

بۇگىندە تەحنوپارككە 1 384 IT كومپانيا تىركەلگەن, ونىڭ 391-ءىنىڭ شەتەلدىك ۇلەسى بار. ولارعا بيزنەستى دامىتۋ, باع­دار­لامالارىن ماسشتابتاۋ, ارنايى سا­لىقتىق جانە ۆيزالىق شارتتار, اقپا­راتتىق-ءبىلىم بەرۋ جانە ماتەريالدىق ينفراقۇرىلىم جاعىنان جان-جاقتى قولداۋ كورسەتىلىپ كەلەدى. تەحنوپاركتىڭ ستارتاپ-ەكوجۇيەسىن جەتىلدىرۋ ءۇشىن مەم­لەكەتتىك قارجىلاندىرۋ ەسەبىنەن 2023 جىلى 4,2 ملرد تەڭگە ءبولىندى, سونىڭ ىشىندە 2 ملرد تەڭگە ادامي كاپيتالدى دامىتۋعا جۇمسالدى.

– Astana Hub-تى قۇرۋ باستاماسى 2016 جىلى كوتەرىلدى. قازاقستان جاھاندىق تەحنولوگيالىق ترانسفورماتسيادا بەل­سەندى ءرول اتقارۋعا ءتيىس. مەملەكەت باسشىسى 2026 جىلعا قاراي ءىت ەكسپورت كو­لەمىن 1 ملرد دوللارعا دەيىن ۇلعايتۋ جانە ەلىمىزدى وڭىردەگى جەتەكشى تسيفر­لىق ورتالىقتاردىڭ بىرىنە اينالدىرۋ مىندەتىن قويدى, – دەدى Astana Hub باس ديرەكتورى ماعجان ماديەۆ.

ەل پرەزيدەنتى قاسىم-جومارت توقاەۆ 2025 جىلعا قاراي كەمىندە 100 مىڭ IT مامان دايارلاپ شىعارۋدى تاپسىرعانى ءمالىم. تسيفرلىق دامۋ مينيسترلىگىنىڭ مالىمەتىنشە, ولاردىڭ 20 مىڭى Astana Hub بازاسىندا ازىرلەنگەن Tech Orda باعدارلاماسى اياسىندا ءبىلىم الادى. بۇل – ەلىمىزدىڭ جەكەمەنشىك مەكتەپتەرىن قارجىلاندىرۋ باعدارلاماسى. وندا ءاربىر ستۋدەنتكە 600 مىڭ تەڭگەگە دەيىنگى كولەمدە گرانت بەرىلەدى. Tech Orda 18-45 جاس ارالىعىنداعى ەلىمىزدىڭ كەز كەلگەن ازاماتىنا IT تەحنولوگيالاردى يگەرۋگە مۇمكىندىك بەرەدى. 2023 جىلى ەلىمىزدىڭ 83 IT مەكتەبى وسى باع­دارلاما بويىنشا تالاپتى قىز-جىگىتتەر­دى وقىتىپ جاتىر. وقۋ مەرزىمى 6 ايدان 2 جىلعا دەيىن, ساباق قازاق جانە ورىس تىلدەرىندە جۇرگىزىلەدى. ماسەلەن, اتىراۋ تۇرعىنى ابزال ەرعاليەۆ Tech Orda باعدارلاماسى بويىنشا 10 اي بويى قالاداعى iBrainCode مەكتەبىندە ءبىلىم العان. قازىر NCOC كومپانياسىندا مۇز جانە گيدرومەتەورولوگيالىق زەرتتەۋلەر جونىندەگى جەتەكشى ينجەنەر بولىپ جۇمىس ىستەيدى.

– وسى كۋرستى وقىعان سوڭ كوپتەگەن سۇراقتىڭ جاۋابىن تاپتىم. ءبىلىمىمدى شىڭدادىم. ەندى سونى ءوز سالامدا جۇ­يەگە ەنگىزىپ, پايدالانىپ جاتىرمىن. ما­سەلەن, كومپيۋتەرلىك جۇيەلەر مەن باع­دارلامالاۋ جۇيەلەرىن قولدانا وتىرىپ, وڭتايلى ناتيجە الۋ ءۇشىن دەرەكتەرمەن جۇمىس ىستەۋ قابىلەتىم ارتتى. كۋرستىڭ باعدارلاماسى مەن ادىستەمەسى ۇنادى. ءبارى انىق, ايقىن ءارى تۇسىنىكتى. مۇنداي كۋرستار بىزگە وتە قاجەت. مەن وسىعان دەيىن مۇنداي ساباقتاردىڭ بىرنەشەۋىن وقىدىم. ءبارى اقىلى بولدى. ءبىرىن تۇسىنسەڭ, ەندى ءبىرىن تۇسىنبەيسىڭ. ءار ساباقتىڭ ادىستەمەسى بولۋى كەرەك دەپ ويلايمىن. وزگە كۋرس­تار سول جاعىنان اقسادى. ال مۇندا وقىتۋشىلار مىقتى بولدى. قاراپايىم تىلمەن جەتكىزە ءبىلدى. وعان قوسا Tech Orda-دا تەگىن ءبىلىم الدىم. تاعى ءبىر ما­ڭىزدى نارسە ايتقىم كەلىپ وتىر. Tech Orda-دا تەك قانا IT سالا­سىنا قاتىسى جوق ازاماتتار دا وقي الادى ەكەن. باسقا سالادا جۇرگەن جاستارعا مول مۇمكىن­دىك بەرىلگەن. قىسقا مەرزىمدە ءىت مامانى بولىپ شىعادى. بۇرىن بۇل سالانى مەڭگەرۋ قيىن بولسا, قازىر اقپارات­تىق تەحنولوگيالار دامىعان سايىن جەڭىلدەي ءتۇستى. باعدارلامالاۋمەن كۇندە اينالىسۋ كەرەك. سوندا شەبەرلىك قالىپتا­سىپ, بەلگىلى ءبىر ناتيجەگە جەتەسىز, – دەدى ابزال ەرعاليەۆ.

Tech Orda باعدارلاماسى Astana Hub بازاسىندا 2021 جىلدان باستاپ ىسكە اسىرىلىپ كەلەدى. سول كەزدە قاناتقاقتى جوبا ەلدىڭ تۇكپىر-تۇكپىرىنەن 100 عانا ستۋدەنتتى قامتىسا, 2022-2023 جىلدارى 6 مىڭنان استام وتانداسىمىزعا تەگىن وقۋعا ۆاۋچەر بەرىلدى. Tech Orda-دان بولەك Alem School, No Code/Low Code School, Startup School, Beta Career, Freelance School, IT-Aiel جانە تاعى دا باسقا ءبىلىم بەرۋ باعدارلامالارى اياسىندا 20 مىڭنان استام ادام ءىت ءبىلىمىن جەتىلدىردى.

– باستامالارىمىز, سونىڭ ىشىندە Google for Startups جانە Draper University سياقتى الپاۋىتتارمەن سەرىكتەستىگىمىز, كرەمني القابىندا IT ستارتاپتارى­مىز­عا ارنالعان Silkroad Innovation Hub قاۋىمداستىعىن ىسكە قوسۋدى قولداۋ, Digital Bridge جانە Digital Almaty IT فورۋمدارىن وتكىزۋ – وسى ماقساتقا جەتۋ جولىنداعى قادامدارىمىز. اري­نە, ءىس-شارالارىمىزدىڭ بارلىعى تسيفر­لىق دامۋ مينيسترلىگىنىڭ جانە سەرىك­تەستەرىمىزدىڭ قولداۋىمەن جۇزەگە اسىپ جاتىر, – دەدى م.ماديەۆ.

قاتىسۋشىلاردىڭ جوبالارى ىشكى نارىقتا دا, الەمدىك نارىقتا دا جوعارى سۇرانىسقا يە. وتاندىق ستارتاپتار ميلليونداعان پايدالانۋشىنى تارتىپ قانا قويماي, حالىقارالىق دەڭگەيدە تانىمال بولىپ جاتىر. مىسالى, «Citix» اقپاراتتىق-ناۆيگاتسيالىق جۇيەسى تۇركيا مەن ءباا نارىعىنا شىقتى جانە جۋىردا الەمگە ايگىلى ۆەنچۋرلىق ينۆەستور تيم درەيپەردەن 1 ملن دوللار ينۆەس­تيتسيا تارتتى. «Beyne.ai» بەت-الپەتىن تانۋ جانە فەيكتى انىقتاۋ جۇيەسى بۇكىل ەكوجۇيەنى قۇرۋعا جانە ءىرى كومپانيالارمەن ينتەگراتسياعا كوشتى. الاقان بيومەترياسىنا نەگىزدەلگەن «Alaqan» ءوز ءونىمىن تۇرىكتىڭ 500 كلينيكاسىنا ەنگىزىپ جاتىر. «SmarTestPrep» يندونەزيا, ۆەتنام جانە لاتىن امەريكاسى نارىعىنا جول تارتىپ, مىڭنان استام ۇمىتكەرگە جالپى كولەمى 10 ملن دوللار شاكىرتاقى الۋعا كو­مەكتەستى. «Droppy» تاياۋ شىعىستاعى, اقش پەن لاتىن امەريكاسىنداعى كوم­­مەرتسيالىق ەمەس ۇيىمدار جانە مي­نيسترلىك وكىلدەرىمەن 120-عا جۋىق ينتەگ­را­تسيا جۇرگىزىپ, ويىنىن Play Market جانە Apple Store دۇكەندەرىنە شى­عار­دى. «iDos Games» ستارتاپىنىڭ 170 ەل­دەن 300 مىڭنان استام تىركەلگەن جانە بەل­سەندى پايدالانۋشىسى بار, بۇل ونىڭ الەم­دىك ويىن يندۋسترياسىنداعى ماڭىزدى ءرو­لىن كورسەتەدى. ينسۋلت دياگنوستيكا­سىن جاساۋ ءۇشىن جاساندى ينتەللەكت پەن نەي­روراديولوگياعا نەگىزدەلگەن «CerebraAI» اقش-تىڭ «TechCrunch» رەيتينگى بويىنشا ۇزدىك جاھاندىق ستارتاپتار قاتارىنا كىردى. بۇل – ەلىمىز­دى اقپاراتتىق تەحنولوگيالار سالاسىندا الەمدىك ارەناعا شىعارىپ جاتقان كەلەشەگى زور ستارتاپتار قاتارىنىڭ از عانا بولىگى.

Astana Hub بازاسىندا «Alem School» مەكتەبى بار. وزگە مەكتەپتەر­گە ۇق­سا­ماي­تىن ءبىلىم ورداسىندا مۇعا­لىم جوق, باعا قويىلمايدى, ديپلوم بەرىلمەي­­دى. بىراق تەگىن وقىتۋ ارقىلى ۇرپاق بى­لىك­تىلىگىن ارتتىرىپ وتىر. جالعىز ءوزى ءبىر ۋنيۆەرسيتەتتىڭ جۇمىسىن اتقارىپ وتىرعان مەكتەپتىڭ جەتەكشىسى, وتاندىق ءىت-سالاسىنىڭ ساراپشىسى دانابەك قالياجداروۆ IT ورداعا ءدان ريزا. «Astana Hub-تىڭ ءبىزدىڭ سالاعا تيگىزگەن اسەرى وڭ بولدى. سەبەبى سالىق از تولەۋگە مۇمكىندىك بەردى. بارلىق جاعداي جاسالعان دەسەك تە بولادى. ءىرى ءىت كومپانيالار جينالعان ورتادا نارىققا ىلەسۋ دە, جۇمىس ىستەۋ دە وڭاي. ەڭ باستىسى شەتەلگە شىعاتىن مۇمكىندىك تاۋىپ, سەنىمدى بايلانىس ورناتىپ بەرە الادى», دەيدى ول.

جەرگىلىكتى IT قاۋىمداستىقتاردى قۇرۋعا, IT تالانتتاردىڭ تۇراقتى اعىنىن قالىپتاستىرىپ, ولاردى ەل ايماقتا­رىن­دا جەتىلدىرۋگە باعىتتالعان وڭىرلىك IT-حابتاردى دامىتۋ – Astana Hub قىز­مەتىنىڭ باسىم باعىتتارىنىڭ ءبىرى. تسيفرلىق دامۋ, يننوۆاتسيالار جانە اەرو­عارىش ونەركاسىبى مينيسترلىگىنىڭ باس­تاماسىمەن, اكىمدىكتەر مەن جەكە بيز­نەستىڭ قولداۋىمەن ەلىمىزدىڭ 12 وڭىرىندە IT حابتار ىسكە قوسىلدى. جۋىردا اتىراۋ جانە ماڭعىستاۋ وبلىستارىندا تاعى ەكى حاب رەسمي تۇردە اشىلادى.

تەحنوپارك Pizza Pitch, Speaker Night, Startuphana سياقتى ءتۇرلى ءىس-شارانى تۇراقتى تۇردە وتكىزەدى. ارينە, تەحنوپارك جۇمىسىندا ورتالىق ازياداعى ەڭ ءىرى IT فورۋم دارەجەسىنە جەتكەن Digital Bridge ءداستۇرلى حالىقارالىق فورۋمىنىڭ ماڭىزى ەرەكشە. بىلتىر جاساندى ينتەللەكت تاقىرىبىنا ارنالعان فورۋم 30 مىڭنان استام قاتىسۋشىنىڭ, ونىڭ ىشىندە 30 ەلدەن دەلەگاتسيا, 300-دەن استام IT كومپانيا وكىلدەرى, 450 سپيكەر, 100-دەن استام ينۆەستور مەن بيزنەس-پەرىشتەلەر, سونداي-اق 150-دەن استام ستارتاپتىڭ باسىن قوستى.

Astana Hub پلاتفورما بازاسىندا «ۇلتتىق يننوۆاتسيالىق جۇيە» بىرىڭ­عاي تەرەزەسى قاناتقاقتى جوباسىن ىسكە قوستى. بۇل قادام – پلاتفورمانى دامىتۋدا­عى ماڭىزدى كەزەڭ. يننوۆاتسيالىق ەكو­جۇيەنىڭ بىرىڭعاي بازاسى بولىپ, ونى ماسشتابتاۋ مەن كەڭەيتۋگە ۇلكەن مۇم­كىندىكتەر اشادى. ەندى IT سالاسىنىڭ قاتىسۋشىلارى عانا ەمەس, سونىمەن قاتار يننوۆاتورلار, عالىمدار, زەرتتەۋشىلەر, جەر قويناۋىن پايدالانۋشىلار جانە ەكوجۇيەنىڭ باسقا قاتىسۋشىلارى دا پلاتفورمانىڭ باعدارلامالارى مەن قىزمەتتەرىن پايدالانا الادى. جوبا 2023 جىلعى 7 جەلتوقساندا پرەمەر-مينيستر ءاليحان سمايىلوۆتىڭ توراعالىعىمەن وتكەن تەحنولوگيالىق ساياسات جونىن­دەگى كەڭەستىڭ وتىرىسىندا قولداۋ تاپتى. «بارلىق كاسىپورىن, يننوۆاتور جانە عىلىمي قوعامداستىق وكىلى وسىنداي پلاتفورما بار ەكەنىن ءبىلۋى كەرەك. ونىڭ اياسىندا عىلىمي-زەرتتەۋ جانە تاجىريبەلىك-كونسترۋكتورلىق جۇمىستار سالاسىنداعى تاپسىرىس بەرۋشىلەر مەن مەردىگەرلەر ءبىر الاڭدا ءوزارا ءىس-قيمىل جاساي الادى, تاپسىرىستاردى ورنالاستىرا نەمەسە قابىلداي الادى. ەڭ باستىسى, پلاتفورما پايدالانۋشىلارعا ىڭعايلى بولۋى كەرەك», دەگەن ەدى ۇكىمەت باسشىسى.

قازىرگى ۋاقىتتا جۇيە قاناتقاقتى رە­جىمدە جانە تۇراقتى پايدالانۋشىلار ءۇشىن مۇمكىندىكتەردى كەڭەيتۋ جانە جاڭا اۋديتوريانىڭ ءتيىمدى جۇمى­سىن قامتاماسىز ەتۋ ماقساتىندا كەي­بىر جاڭارتۋلار مەن موديفيكاتسيا­لار ەنگىزىلدى. پورتالدىڭ نەگىزگى ماق­ساتى – عىلىمي-زەرتتەۋ جۇمىستارى مەن تاجى­ريبەلىك-كونسترۋكتورلىق ازىرلەمەلەردەن باستاپ ولاردى بارلىق سالادا كوممەر­تسيالاندىرۋ مەن ەكسپورتقا, ونىڭ ىشىن­دە جەر قويناۋىن پايدالانۋشى كومپا­نيالاردا تسيفرلىق شەشىمدەردى ەنگى­زۋ­گە دەيىنگى بارلىق كەزەڭىندە ەلىمىزدىڭ يننوۆاتسيالىق ەكوجۇيەسىن دامىتۋ.

تەحنوپاركتى قولداۋ باعدار­لا­ما­لارى قاتىسۋشىلارمەن بايلانىستى ولاردىڭ قاجەتتىلىگى مەن ماقساتىن رەتتەۋ­گە نەگىز­دەلگەن. ول قاتىسۋشىلاردىڭ دامۋىنا جانە تابىسقا جەتۋىنە كومەكتە­سە­تىن مۇم­كىندىكتەر مەن قىزمەتتەر ۇسى­نادى. تەح­نوپاركتىڭ اتقارىپ جاتقان جۇمىس­تا­رىنا قاراپ, شەتەلدىك تاجىريبەنى بەل­سەن­دى تۇردە زەرتتەپ جاتقانىن كوردىك. ونى Astana Hub-تىڭ ديرەكتورى ماعجان ماديەۆتىڭ «بەلسەندى دامۋدى جالعاس­تىرۋ ماڭىزدى. بيزنەستى دامىتۋ جانە ماس­­شتابتاۋ, كەشەندى قولداۋدىڭ جاڭا قۇ­رال­دارىن ەنگىزۋ, ارنايى سالىق جانە ۆي­زا شارتتارىن كەڭەيتۋ, اقپاراتتىق ءبىلىم بەرۋدى قولداۋ جانە ستارتاپ-قوعام­داس­تىقتىڭ وزگەرىپ وتىراتىن قاجەت­تىلىك­تەرىنە, تەحنولوگيالىق دامۋعا ساي­كەس ماتەريالدىق ينفراقۇرىلىمدى جاڭ­عىر­تۋ – ءبىزدىڭ باس جوسپارىمىزدا» دەگەن سوزىنەن دە ۇعىندىق.