قاسىم-جومارت توقاەۆ قازاقستان حالقىنىڭ جانە جەكە ءوزىنىڭ اتىنان زۋزانا چاپۋتوۆانى سلوۆاك رەسپۋبليكاسىنىڭ قۇرىلعان كۇنىمەن قۇتتىقتادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
– ەگەمەندىك پەن بىرلىك قۇندىلىقتارىن تۋ ەتكەن ەلىڭىز بۇگىندە ءوزىنىڭ الەۋمەتتىك-ەكونوميكالىق دامۋى مەن ازاماتتارىنىڭ ىرىس-بەرەكەسىن ەسەلەۋدە, سونداي-اق حالىقارالىق ارەناداعى بەدەلىن ارتتىرۋدا بيىك بەلەستەردى باعىندىرىپ كەلەدى. وسى تۇستا وتانىڭىز باياندى وركەندەۋىن جالعاستىرىپ, يگى ماقسات-مۇراتتارعا جەتە بەرۋىنە تىلەكتەستىگىمدى بىلدىرەمىن. قازاقستان مەن سلوۆاكيا اراسىندا قالىپتاسقان ءوزارا ءتيىمدى ىنتىماقتاستىق قارقىندى دامىپ كەلە جاتقانىن ەرەكشە اتاپ وتەمىن. ەكىجاقتى ىقپالداستىعىمىز كەلەشەكتە دە زور جەتىستىكتەرگە تولى بولاتىنىنا كامىل سەنىمدىمىن, – دەپ جازىلعان جەدەلحاتتا.
قاسىم-جومارت توقاەۆ زۋزانا چاپۋتوۆانىڭ اسا جاۋاپتى قىزمەتىنە تولايىم تابىس, ال سلوۆاك حالقىنا باق-بەرەكە تىلەدى.