مادەنيەت جانە اقپارات مينيسترلىگىنىڭ تاپسىرىسىمەن جۇزەگە اسىرىلعان «مەدياتسيا سالاسىن دامىتۋ» رەسپۋبليكالىق جوباسىن ىسكە اسىرۋ قورىتىندىسى جاريالاندى, دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
«2023 جىلدىڭ باسىنان بەرى «حالىققا قۇقىقتىق اقپارات بەرۋ ماسەلەلەرى بويىنشا ديالوگ الاڭدارىن ۇيىمداستىرۋ جانە داۋلاردى سوتقا دەيىنگى رەتتەۋ بويىنشا قوعامدىق مەدياتورلاردى وقىتۋ» گرانتى العاش رەت ىسكە اسىرىلىپ جاتىر. «حالىقارالىق كەلىسسوزدەر اكادەمياسى» قاۋىمداستىعى حالىق ءومىرىنىڭ بارلىق سالالارىندا مەدياتسيانى قولدانۋدى قولداۋ جانە تاراتۋعا جاردەمدەسۋ شارالارىن ازىرلەي وتىرىپ, «مەدياتسيا سالاسىن دامىتۋ» جوباسىن جۇزەگە اسىرۋعا كىرىستى. كونفەرەنتسياعا قاتىسۋشىلار مەدياتورلاردىڭ ساراپشىلىق قوعامداستىعىن مەدياتورلاردىڭ بىلىكتىلىگىن جۇيەلى تۇردە ارتتىراتىن, كاسىبي ەتيكانىڭ ساقتالۋىن قاداعالايتىن جانە مەملەكەتتىك ورگاندارمەن جانە حالىقارالىق مەدياتسيا ينستيتۋتتارىمەن ءوزارا ءىس-قيمىل جاسايتىن بىرىڭعاي جۇيە قۇراۋشى ۇيىم قۇرۋعا شاقىردى», دەلىنگەن اقپاراتتا.
مەدياتسيا ءراسىمىن ءبىر جۇيەگە كەلتىرۋ ماقساتىندا كاسىبي مەدياتورلاردى دايارلاۋ جانە مەملەكەتتىك تىلدە ساپالى وقۋلىقتار مەن باعدارلامالار ازىرلەۋ, ولاردى دايارلاۋ جونىندەگى ۇيىمداردى ورتالىقتاندىرىلعان اتتەستاتتاۋ جانە بىرىڭعاي قۇجات ۇلگىلەرىن بەكىتۋ ماسەلەسى تالقىلاندى.