28 جەلتوقسان كۇنى اقتاۋدا ەكپىندى جەل تۇرىپ, سالدارىنان قالاداعى №3 شاعىن اۋداندا ورنالاسقان بالاباقشانىڭ شاتىرى ۇشىپ كەتتى. شاتىر عيماراتقا جاقىن تۇرعان 6 اۆتوكولىككە زاقىم كەلتىرگەن. بۇل تۋرالى قالالىق توتەنشە جاعدايلار دەپارتامەنتى حابارلادى, دەپ جازادى Egemen.kz.
وقىس جاعداي كەشە ساعات 21:00 شاماسىندا بولعان.
«اقتاۋ قالاسىندا 16-21 م/س كۇشەيگەن ەكپىندى جەلدىڭ سالدارىنان 40 شارشى مەتردى قۇرايتىن «ياسين» بالاباقشاسىنىڭ شاتىرى قۇلادى. سالدارىنان التى كولىككە زاقىم كەلگەن. زارداپ شەككەندەر جوق», دەپ مالىمدەدى توتەنشە جاعدايلار قىزمەتىنىڭ ءباسپاسوز قىزمەتى.