جەلتوقسان ايىنىڭ سوڭعى كۇندەرى جاۋىن-شاشىنعا مول بولعاندىقتان ەلوردانىڭ مەملەكەتتىك قىزمەتتەرى تاۋلىك بويى كۇشەيتىلگەن رەجيمدە جۇمىس ىستەۋگە كوشتى. 27 جەلتوقسان كۇنى تاڭەرتەڭنەن بەرى 2,3 مىڭنان استام جۇمىسشى مەن 1600-گە جۋىق ارنايى تەحنيكا قالا كوشەلەرىن قار مەن مۇزدان تازارتىپ جاتىر, دەپ حابارلايدى Egemen.kz استانا اكىمدىگىنىڭ رەسمي سايتىنا سىلتەمە جاساپ.
ايتا كەتسەك, وتكەن ءتۇنى ەلوردا كوشەلەرىنەن 16 مىڭ تەكشە مەترگە جۋىق قار شىعارىلدى. ول ءۇشىن اۋىر جۇك كولىكتەرى قار ۇيىندىلەرىنە 1200-دەن استام رەيس جاسادى.
جالپى, قىس ماۋسىمى باستالعالى بەرى قالادان 600 مىڭ تەكشە مەتردەن استام قار شىعارىلدى, بۇل شامامەن 48 مىڭ جۇك كولىگىنە ارتىلاتىن جۇك كولەمىنە تەڭ.
جۇمىس تاۋلىك بويى كۇشەيتىلگەن رەجيمدە جۇرگىزىلەدى.
سونداي-اق تۇرعىنداردىڭ ىڭعايلى ءجۇرىپ-تۇرۋى ءۇشىن قالا بويىنشا جولدار مەن تروتۋارلارعا قۇم-تۇز قوسپاسى جۇيەلى تۇردە سەبىلىپ جاتقانىن دا ايتا كەتۋ كەرەك.