تۇنگى ساعات وننان كەيىن وتشاشۋ اتقان جەكە تۇلعالارعا 69 مىڭ تەڭگە ايىپپۇل سالىنادى. ال بيزنەس سۋبەكتىلەرى ءۇشىن ايىپپۇل 345 مىڭ تەڭگەنى قۇرايدى, دەپ حابارلايدى Egemen.kz.
ەسكە سالايىق, تۇنگى ۋاقىتتا وتشاشۋ اتۋ زاڭ بويىنشا ادامداردىڭ ءتۇن تىنىشتىعىن بۇزۋ بولىپ ەسەپتەلەدى.
qazaqstan.tv جازعانداي, كامەلەت جاسىنا تولماعان بالالار پيروتەحنيكالىق بۇيىمداردى پايدالانسا الدىمەن ەسكەرتۋ الىپ, كەيىن اتا-اناسىنا 70 مىڭ تەڭگە كولەمىندە ايىپپۇل سالىنادى.
سونداي-اق پيروتەحنيكالىق بۇيىمداردى زاڭسىز ساتقان تۇلعالار 86 250 تەڭگە مولشەرiندە ايىپپۇل ارقالايدى.
«قازاقستاندا پيروتەحنيكالىق بۇيىمداردى ءوندىرۋ, ساتۋ قىزمەتى لەتسەنزيالاۋعا جاتادى. قازىر اتالعان قىزمەت تۇرىمەن اينالىساتىن 40-تان استام زاڭدى تۇلعا تىركەۋدە تۇر. پيروتەحنيكالىق بۇيىمداردى زاڭسىز ساتقانى, وتكىزگەنى, تاسىمالداعانى ءۇشىن قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ بىرقاتار باپتارىمەن جاۋاپكەرشىلىك كوزدەلگەن», دەپ ەسكە سالدى قر ءىىم اكىمشىلىك پوليتسيا كوميتەتىنىڭ باسقارما باستىعى اسىلبەك ىدىرىسوۆ.