«قازگيدرومەت» رمك سينوپتيكتەرى الداعى ءۇش كۇندە اۋا رايى قانداي بولاتىنىن ايتتى. بولجامعا سايكەس, قازاقستاننىڭ بارلىق اۋماعىندا اۋا رايى تۇراقسىز بولادى, دەپ جازادى Egemen.kz.
مامانداردىڭ ايتۋىنشا, ەل اۋماعىنداعى اۋا رايىنا اتلانت تسيكلونى ىقپال ەتەدى. ول جاڭبىر مەن قار تۇرىندەگى جاۋىن-شاشىنعا سەبەپ بولادى. وعان قوسا جەلتوقسان ايىنىڭ سوڭىندا بۇرقاسىن, كوكتايعاق جانە 15-28 م/س ەكپىندى جەل بولادى.
ماسەلەن, 29-30 جەلتوقساندا سولتۇستىك جانە وڭتۇستىك وبلىستاردا ەكپىنى 30 م/س جانە ودان دا كوپ بولاتىن قاتتى جەل سوعادى.
30 جەلتوقساندا تۇندە ەلدىڭ سولتۇستىك-باتىسىندا, سولتۇستىگىندە جانە ورتالىعىندا 7-15 گرادۋس اياز بولادى. ال وڭتۇستىك پەن وڭتۇستىك-شىعىستا اياز 3-13 گرادۋسقا دەيىن ازداپ تومەندەيدى.