مەملەكەت باسشىسى قاسىم-جومارت توقاەۆتىڭ كەڭەسشىسى ءارى ءباسپاسوز حاتشىسى بەرىك ۋالي «قازاقپارات» حالىقارالىق اقپارات اگەنتتىگىنە سۇحبات بەردى. ول پرەزيدەنتتىڭ جىل بويى اتقارعان شارۋالارى مەن ءىسساپار, قابىلدانعان قارارلار مەن الەۋمەتتىك ماڭىزدى ساۋالدارعا جاۋاپ بەردى, دەپ جازادى Egemen.kz.
سۇحبات سوڭىندا ءتىلشى پرەزيدەنتتىڭ كەڭەسشىسىنەن قاسىم-جومارت توقاەۆتىڭ جاڭا جىلدى قايدا, قالاي قارسى الاتىنىن سۇرادى.
«مەملەكەت باسشىسى ءوزىنىڭ تۋعان كۇنىن دە اتاپ وتپەيتىنىن بىلەسىزدەر. بيىل مەرەيلى جاسى بولسا دا, قىتايدا مەملەكەتتىك ساپارمەن ءجۇردى. ال جاڭا جىلدى قاسىم-جومارت كەمەل ۇلى دا ءبارىمىز سياقتى ءوزىنىڭ ۇيىندە, داستارقان باسىندا اۋلەتىمەن بىرگە قارسى الادى», دەپ جاۋاپ بەردى بەرىك ءۋالي.