پاۆلوداردا 26 جەلتوقسان كۇنى اۋا تەمپەراتۋراسى 3 گرادۋسقا دەيىن كوتەرىلگەن, ناتيجەسىندە ەستاەۆ تۇبىندەگى 53 ميلليون تەڭگەگە سالىنعان مۇز قالاشىعى ەري باستادى, دەپ حابارلايدى Egemen.kz Irbistv.kz سايتىنا سىلتەمە جاساپ.
مۇز قالاشىعىنىڭ رەسمي تۇردە اشىلعانىنا ءبىر اپتا دا بولعان جوق. مۇزدى قالا باسىندا قارسىز جەرگە سالىنعان, كەيىن قار جاۋعان. بۇگىنگى تاڭدا مۇزدى پىشىندەر ەرىپ, كىشىرەيىپ كەتكەن.
«مەردىگەر جاۋاپتى, ونىڭ شارتتىق مىندەتتەمەلەرى بار, مەن بۇل تەك مۇز ەلەمەنتتەرى عانا ەمەس, بۇل پلاستيكتەن, اعاشتان جانە دسپ-دەن جاسالعان ەلەمەنتتەر ەكەنىن ايتتىم. بۇل كەشەن اۋا رايى جاعدايلارىن ەسكەرە وتىرىپ ارنايى جاسالعان. تەمپەراتۋرالىق رەجيمىمىز +1-گە اۋىسىپ جاتقانىن كورىپ وتىرمىز, سوندىقتان جىلى اۋا رايىندا دا سەرۋەندەۋگە بولاتىنداي كەشەن جاسادىق», دەدى پاۆلودار قالاسى اكىمىنىڭ ورىنباسارى سۆەتلانا گلادىشەۆا.
سينوپتيكتەردىڭ بولجامىنشا, بەيسەنبى كۇنى بۇل وڭىردە قارلى بوران سوعادى.