ءوز ايەلى سالتانات نۇكەنوۆانى ءولتىردى دەپ ايىپتالعان ەكس-مينيستر قۋاندىق بيشىمباەۆتىڭ اكەسى باق وكىلدەرىنىڭ ۇستىنەن پوليتسياعا شاعىمداندى, دەپ حابارلايدى Egemen.kz.
ءۋاليحان بيشىمباەۆ Youtube-ارناسىنىڭ اۆتورى ۆاديم بورەيكونىڭ جانە تاعى بىرنەشە ءتىلشى مەن بلوگەردىڭ ۇستىنەن ىشكى ىستەر ءمينيسترى ەرجان سادەنوۆكە شاعىمدانعان.
ۋ. بيشىمباەۆ بورەيكونىڭ قۋاندىق بيشىمباەۆتى جاۋاپكەرشىلىكتەن جالتارتۋى ابدەن مۇمكىن دەگەن بولجامىن « ۇلىنا جانە وتباسىنا, سونىمەن قاتار ساراپشى-پسيحياترلاردىڭ اتىنا كىر كەلتىردى» دەپ ەسەپتەيدى.
ۋچاسكەلىك پوليتسياعا بەرگەن تۇسىندىرمەسىندە ءتىلشى بۇل ايتىلعاننىڭ ءبارى ونىڭ جەكە پىكىرى ەكەنىن العا تارتقان.
«ەگەر سوت بيشىمباەۆتى پسيحيكالىق اۋىتقۋشىلىعى بار دەپ تاپپاسا, ءوز ارنامنىڭ ەفيرىندە بولجامىمنىڭ قاتە بولعانىن مويىندايمىن», — دەپ جازدى بورەيكو.
ءتىلشىنىڭ سوزىنشە, ءۋاليحان بيشىمباەۆ ءوز ارىزىندا «بلوگەرلەر مەن باق وكىلدەرىنىڭ ءىستى تەرگەۋگە ىقپالىنىڭ كەسىرىنەن ۇلىما كىسى ءولتىردى دەگەن ايىپ تاعىلىپ وتىر» دەپ تە جازعان.
«بۇل سوزدەر بيشىمباەۆتاردىڭ ءوز كىناسىن مويىنداعىسى كەلمەيتىنىن جانە قۋاندىق بيشىمباەۆتىڭ جازادان جالتارۋى ءۇشىن قولدان كەلگەننىڭ ءبارىن جاسايتىنىن اڭعارتادى», — دەيدى بورەيكو.