ماجىلىستەگى ساۋدا ساياساتىن دامىتۋعا ارنالعان ۇكىمەت ساعاتىندا ساۋدا جانە ينتەگراتسيا ءمينيسترى ارمان شaققاليەۆ الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن رەتتەۋ مەن مەملەكەت تاراپىنان شەكتى باعا قويۋ جايىن بايانداپ بەردى. مينيستر الەۋمەتتىك ماڭىزى بار تاۋارلاردىڭ باعاسىنا باقىلاۋ اۋىل شارۋاشىلىعى مينيسترلىگى, مونوپولياعا قارسى ورگان, اكىمدىكتەر, ازىق-ت ۇلىك كورپوراتسياسى جانە تۇراقتاندىرۋ قورلارىمەن بىرلەسىپ كەشەندى سيپاتتا جۇرگىزىپ جاتقانىن ايتتى, دەپ جازادى Egemen.kz.
ارمان شaققاليەۆ تۇراقتاندىرۋ قورلارىنىڭ قىزمەتى قايتا فورماتتالىپ, حالىققا نارىقتاعى باعادان ارزان تاۋار ۇسىنۋ ءۇشىن 2023 جىلى 5 مىڭنان استام جارمەڭكە ۇيىمداستىرىلعانىن ايتتى.
حالىق كوپ تۇتىناتىن تاۋارلاردىڭ قۇنى وسپەۋ ءۇشىن «ازىق-ت ۇلىك كورپوراتسياسىنىڭ» تۇراقتاندىرۋشى ءرولى كەڭەيتىلىپ جاتقانىن ءتۇسىندىردى. ول ساۋداداعى ءتيىمسىز دەلدالداردى جويۋ جانە زاڭنامانىڭ تالاپتارىن ساقتاۋ ءۇشىن وڭىرلىك كوميسسيالاردىڭ باقىلاۋ قىزمەتى قۇرىلعانىن جەتكىزدى.
مينيسترلىك پرەزيدەنتتىڭ الەۋمەتتىك تاۋارلار باعاسىن مەملەكەتتىك رەتتەۋدەن كەزەڭ-كەزەڭىمەن باس تارتۋ جونىندەگى تاپسىرماسىن ورىنداي باستاعان.
«رەتتەۋ ەكى كەزەڭدە جۇزەگە اسىرىلادى.
- 2024 جىلدىڭ 1-ءشى جارتىجىلدىعىنان باستاپ 100%-عا وتاندىق ءوندىرىس (تۇز, ۇن, روجكي, قاراقۇمىق جارماسى, كۇرىش, نان, ءسۇت, كارتوپ, جۇمىرتقا) 9 تاۋارعا شەكتى جانە شەكتى رۇقسات ەتىلگەن باعالاردى بەلگىلەۋدەن باس تارتۋ ۇسىنىلادى;
- قالعان 10 تاۋار بويىنشا باعانى رەتتەۋدەن باس تارتۋ 2025 جىلدىڭ سوڭىنا دەيىن اياقتالادى ء(سابىز, پياز, قىرىققابات, كۇنباعىس مايى, سيىر ەتى, تاۋىق ەتى, ايران, ماي, سۇزبە, قانت)», دەدى ارمان شاققاليەۆ.
دەمەك 2024-2025 جىلداردان باستاپ جوعارىدا اتالعان ونىمدەرگە شەكتى باعا قويىلمايدى. بۇل وتاندىق تاۋار ءوندىرىسىن توقىراۋدان ساقتايدى دەپ ءتۇسىندىردى ول.