مەملەكەت باسشىسى قاسىم-جومارت توقاەۆ ازەربايجان پرەزيدەنتى يلحام اليەۆپەن تەلەفون ارقىلى سويلەستى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
قاسىم-جومارت توقاەۆ يلحام اليەۆتى تۋعان كۇنىمەن قۇتتىقتاپ, وعان زور دەنساۋلىق جانە اسا جاۋاپتى قىزمەتىنە تابىس تىلەدى.
اڭگىمەلەسۋ بارىسىندا قازاقستان مەن ازەربايجان پرەزيدەنتتەرى ەكى ەل حالىقتارى اراسىنداعى دوستىق قاتىناستار مەن ءداستۇرلى باۋىرلاستىق بايلانىستارعا كوڭىلدەرى تولاتىنىن ايتتى.
مەملەكەت باسشىلارى ازەربايجان پرەزيدەنتىنىڭ قازاقستانعا ساپارى كەزىندە جانە بيىل قاراشا ايىندا باكۋدە وتكەن سپەكا ءسامميتى اياسىندا قول جەتكىزىلگەن ۋاعدالاستىقتاردى جۇزەگە اسىرۋ ماسەلەلەرىنە نازار اۋداردى.