استانا قالاسىنداعى «حان شاتىر» cاۋدا ورتالىعى عيماراتىندا ءورت بولىپ, وعان كەلۋشىلەر جانە قىزمەتكەرلەر مەن جۇمىسكەرلەر ەۆاكۋاتسيالاندى, دەپ حابارلايدى Egemen.kz.
استانا قالالىق تجد ءباسپاسوز قىزمەتىنىڭ مالىمدەۋىنشە, 23 جەلتوقساندا ساعات 14:00-دە ءورت ءسوندىرۋ بولىمشەلەرى تۇران داڭعىلىنداعى «حان شاتىر» ساۋدا ورتالىعىنداعى ءورت تۋرالى حابارلاما بويىنشا وقيعا ورنىنا شۇعىل باردى.
«كەلگەننەن كەيىن ءورت سوندىرۋشىلەر بەس مينۋت مۇعدارىندا عيماراتتىڭ ارتقى ەسىگى جاعىنان قاپ-قارا قويۋ ءتۇتىننىڭ شىعىپ جاتقانىن انىقتاعان. 10 كۆ جەكە تۇرعان ترانسفورماتورلىق قوسالقى ستانتسيا جانە №0 قاباتتاعى كابەلدىك شاحتا ورتەنىپ جاتقانى بەلگىلى بولدى. ءورتتىڭ تارالۋ قاۋپى جوق. قازا تاپقاندار مەن زارداپ شەككەندەر جوق», دەپ حابارلادى تجد.
ءورتتى جويۋ بويىنشا جەكە قۇرامنىڭ 66 ادامى, قالالىق تجد-ءنىڭ 14 تەحنيكاسى, ءورت ءسوندىرۋ بولىمشەلەرى جۇمىس ىستەپ جاتىر.