تانىمال كومپوزيتور مارقۇم ەسكەندىر حاسانعاليەۆتىڭ جارى داريكو حاسانعاليەۆا “داستارحان” باعدارلاماسىنا قوناق بولىپ, وتباسى جايىندا سىر تارقاتتى, دەپ حابارلايدى Egemen.kz.
ول تۋعان جەرىنىڭ قاراعاندى وبلىسىنىڭ شاحتينسك قالاسى, ۇيدە جەتى اعايىندى ەكەندەرىن اتاپ وتكەن. ءوزى اتا-اناسىنىڭ تۇڭعىشى ەكەن.
- اكەم پارتيا قىزمەتكەرى بولدى. انام ءبىزدىڭ تاربيەمەن اينالىستى. ءبىزدىڭ اۋلەت وڭىرگە تانىمال بولدى. قازبەك اشلياەۆ دەگەن بوكسەر شىققان. سول ارقىلى ءبىزدىڭ اۋلەتتى ەل-جۇرت تانىپ الدى. اركىمنىڭ تۋعان جەرى ىستىق. دەگەنمەن ەسكەندىر ەكەۋمىزدىڭ العاش تانىسقان قالامىز رەتىندە ساعىنامىن. سول قالادا جاستىق شاعىمىز ءوتتى. مەنىڭ انام ءبىزدىڭ كىشكەنتاي كەزىمىزدەگى فوتولاردى كوزىنىڭ قاراشىعىنداي ساقتادى. انامنىڭ الدىندا وتىرعان فوتوم ءالى كۇنگە دەيىن بار. مەن دە ءبىرجاننىڭ كىشكەنتاي كۇنىندەگى فوتولارىن ساقتاپ جۇرەمىن. اكەسى ءبىرجان تۋعاندا “ايىم بولىپ تۋدىڭ با؟” ءانىن شىعاردى. ەلگە تارالىپ كەتكەن ۆيدەودا اكەسى ءان ايتىپ وتىر, ءبىرجان ديريجەر بولىپ بيلەپ وتىر, – دەپ كوزىنە جاس الدى.
سونداي-اق ءانشى اكەسىنەن قورىققانىنان ەسكەندىردىڭ كونتسەرتىنە بارعانىن دا ايتىپ قالدى.
- قاراعاندىدا اتاقتى كومپوزيتور, ءانشى كەلە جاتىر, كونتسەرت بەرەدى دەپ بارلىعى شۋلادى. اكەم مەنىڭ سول كونتسەرتكە بارعانىمدى قاتتى قالادى. ال مەن ول كەزدە ماسكەۋدە وقيتىنمىن. جولعا جينالىپ جاتقان ەدىم: “اينالايىن, داريكو, وسى كونتسەرتكە بارشى” دەپ اكەم تۇرىپ الدى. ول كىسى ءوز ايتقانىن ىستەتپەي قويمايتىن, قاتال كىسى ەدى. قازىر ويلاپ قاراسام, ەگەر اكەم سول كونتسەرتكە مەنى جىبەرمەگەندە ەسكەندىر اعالارىڭمەن تانىسا الماي قالاتىن با ەدىم. سوندىقتان اكەمە ارقاشان راقمەتىمدى ايتىپ وتىرامىن, – دەپ ەسكە الدى مارقۇمنىڭ جۇبايى.