اباي وبلىسى پوليتسيا دەپارتامەنتى جول-كولىك وقيعاسى 19 جەلتوقسان ومبى – مايقاپشاعاي تراسساسىنىڭ 913 شاقىرىمىندا بولعانىن ءمالىم ەتتى, دەپ جازادى Egemen.kz.
اپاتقا ۇشىراعان كولىك تىزگىنىندەگى جۇرگىزۋشىگە جولدا كەتىپ بارا جاتقان پوليتسيا قىزمەتكەرلەرى كومەككە كەلگەن. اۋىر جۇك كولىگىنىڭ جۇرگىزۋشىسى – رەسەي فەدەراتسياسىنىڭ ازاماتى جول قوزعالىسى ەرەجەلەرىن بۇزباعانىن, كولىك قاتتى جەلدىڭ سالدارىنان اۋدارىلعانىن ايتقان.
پوليتسەيلەر اۋىر جۇك كولىگىن جولعا شىعارا الاتىن تيەگىشتى الۋ ءۇشىن جشس-لەردىڭ بىرىنە جۇگىنگەن. كيۋۆەتتەن اۋىر جۇكتى شىعارۋ وپەراتسياسىن تولىق سۇيەمەلدەي وتىرىپ, ءتارتىپ ساقشىلارى كولىكتى جاقىن ماڭداعى ەلدى مەكەنگە دەيىن جەتكىزگەن.