ءماجىلىس دەپۋتاتى رينات زايىتوۆ قۇقىق قورعاۋ ورگاندارى قىزمەتكەرلەرىنەن قورلىق كورگەن ءبىرشاما ازاماتتاردىڭ بارىن ايتىپ, شىمكەنت پەن وسكەمەندەگى تانىس-تامىرلىققا سۇيەنگەن قىلمىستىق ءىستىڭ قايتا-قايتا نەگە توقتاتىلا بەرەتىنىن بىلمەككە باس پروكۋرور بەرىك اسىلوۆقا ساۋال جولدادى, دەپ جازادى Egemen.kz.
ماجىلىسمەن شىمكەنتتىك جالعىز باستى انانىڭ ارىزىن بۇگىنگى جالپى وتىرىستا ورتاعا سالدى. ول قاراپايىم حالىقتىڭ تىرلىگى ءتيىستى مەملەكەتتىك مەكەمەلەردەن تىنباعاننان كەيىن سوڭعى ءۇمىتىن ۇكىلەپ دەپۋتاتتارعا جۇگىنەتىنىنە نازار اۋداردى.
«دەپۋتتاردىڭ اتىنا جولدانعان حاتتاردا ايماقتارداعى كۇشتىك قۇرىلىمداردىڭ, ناقتىلاپ ايتساق, پروكۋراتۋرا, ۇلتتىق قاۋىپسىزدىك كوميتەتى, سىبايلاس جەمقورلىققا قارسى اگەنتتىك, ىشكى ىستەر دەپارتامەنتى قىزمەتكەرلەرىنىڭ ءىس-ارەكەتتەرىنە شاعىمداناتىن حاتتاردىڭ سانى بارشىلىق. ولارعا الماتى, شىمكەنت, وسكەمەن, سەمەي, جاڭاوزەننەن جەتكەن حاتتاردى جاتقىزا الامىز», دەپ دەپۋتات ادامنىڭ قۇقىعىن, بوستاندىعىن قورعايتىن كۇشتىك قۇرىلىمداردىڭ قىزمەتكەرلەرى لاۋازىمىن جەكە پايداعا جۇمىلدىرىپ جاتقانىن العا تارتاتىن مىسال كەلتىردى.
«شىمكەنت قالاسىنىڭ تۇرعىنى جازعىزباستى انا, بالاسىمەن شامامەن 4 ملن تەڭگەسىن الاياقتارعا الدانىپ الدىرعان. بۇل فاكتتى انىقتاعان جابىرلەنۋشىلەر شىمكەنت قالاسى ەڭبەكشى اۋدانى پوليتسيا باسقارماسىنا ارىزدانعان. الايدا ءوتىنىش يەسىنىڭ ايتۋىنشا ايىپتالۋشىنىڭ قۇقىق قورعاۋ ورگان قىزمەتكەرلەرىمەن تانىستىعىنىڭ ارقاسىندا قىلمىستىق ءىس بىرنەشە رەت توقتاتىلعان. جابىرلەنۋشى مەن ونىڭ ۇلىنا اشىق تۇردە قوقان-لوققى كورسەتىلگەن. سونىمەن 2021 جىلدىڭ تامىزىندا قوزعالعان ءىس بۇگىنگە دەيىن سوتقا جەتپەگەن», دەدى دەپۋتات.
رينات زايىتوۆ فراكتسيا دەپۋتتارىنىڭ الدىنا جۇگىنگەن كەلەسى ماسەلە, ءتىپتى, جاعا ۇستاتارلىق ەكەنىن بايانداپ بەردى.
«سونداي-اق قوعامدىق قابىلداۋعا كەلگەن وسكەمەن قالاسىنىڭ تۇرعىنى ءوتىنىش يەسى توتانوۆانىڭ اتىنان ارىز قالدىرىپ, ايتىپ جەتكىزگەن جايت, تىپتەن, ويعا قونىمسىز. ونىڭ ايتۋىنشا, ايماقتىق كۇشتىك قۇرىلىم قىزمەتكەرلەرى وزىنە تىرىدەي كور قازدىرىپ, ازاپ كورسەتكەن. وسىنداي ءىستى سوتقا جەتكىزبەۋ نە ءىستى قوزعاماۋ, بيلىگىن اسىرا پايدالانۋ ت.ب ءىس-ارەكەتتەردى ارىپتەستەرىم دە ايتا الادى», دەدى زايىتوۆ.
ول سونداي-اق, قىزدارعا قورلىق كورسەتكەن ىشكى ىستەر قىزمەتكەرلەرىنىڭ ارەكەتتەرىن دە سىنعا الدى. قۇزىرەتىن قىلمىستى ازايتۋعا ەمەس, تابىسىن كوبەيتۋ ءۇشىن پايدالانعاندارعا نەگە شارا قولدانىلمايتىنىن سۇرادى. دەپۋتات قۇقىق قورعاۋ قىزمەتتەرىندە وسىنداي ىستەردى قارايتىن توپ قۇرۋدى, ءتيىستى جازا قولدانۋ كەرەك ەكەنىن ايتتى.