بۇگىن, 20 جەلتوقساندا ورتالىق كوممۋنيكاتسيالار قىزمەتىندە وتكەن بريفينگتە ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا 2024 جىلى زەينەتاقى بويىنشا قانداي وزگەرىستەر بولاتىنىن ايتتى, دەپ حابارلايدى Egemen.kz.
ءمينيستردىڭ ايتۋىنشا, بازالىق زەينەتاقى تولەمى ۇلعايىپ كەلەدى.
«كەلەسى جىلدان باستاپ ءبىز ەڭ تومەنگى شەكتى تاعى 5 پايىزعا كوتەرەمىز. ينفلياتسيا دەڭگەيىنە يندەكستەۋ جۇزەگە اسىرىلادى. 1998 جىلعى 1 قاڭتارعا دەيىنگى ەڭبەك ءوتىلى ءۇشىن تولەنەتىن ىنتىماقتى زەينەتاقى جانە 2024 جىلعى 1 قاڭتاردا تاعايىندالعان تولەمدەرى بار بارلىق زەينەتكەرلەرگە يندەكستەۋ 7%, ينفلياتسيا دەڭگەيىنەن 2%-عا وزا وتىرىپ جۇرگىزىلەدى. زەينەتاقىنىڭ ورتاشا مولشەرى كەلەسى جىلى شامامەن 130 مىڭ تەڭگە بولادى», دەدى سۆەتلانا جاقىپوۆاونىڭ سوزىنشە, 2023 جىلى ەل ازاماتتارىنىڭ ورتاشا زەينەتاقىسى 120 مىڭ تەڭگە بولعان.