ماجىلىستە حالىقارالىق ىستەر, قورعانىس جانە قاۋىپسىزدىك كوميتەتىنىڭ ءتورايىمى ايگۇل قۇسپان باستاعان دەپۋتاتتار ۇلىبريتانيا پارلامەنتى قاۋىمدار پالاتاسىنىڭ دەپۋتاتى افزال حان جانە مانچەستەر قالالىق كەڭەسىنىڭ مۇشەسى ابيد چوحانمەن كەزدەسىپ, ەكىجاقتى ىنتىماقتاستىقتى كەڭەيتۋ ماسەلەلەرىن تالقىلادى, دەپ حابارلايدى Egemen.kz تومەنگى پالاتانىڭ ء باسپاسوز قىزمەتىنە سىلتەمە جاساپ.
«ايگۇل قۇسپان ماجىلىستە قاۋىمدار پالاتاسىنىڭ سىرتقى ىستەر كوميتەتى جاريالاعان ورتالىق ازيا تۋرالى باياندامامەن مۇقيات تانىسقانىن ايتتى. دەپۋتاتتار بريتاندىق ارىپتەستەرىنىڭ ورتالىق ازيا وڭىرىمەن ساۋدا, قورشاعان ورتا, مادەنيەت, تۋريزم جانە وزگە دە ماسەلەلەر بويىنشا ءوزارا بايلانىستى نىعايتۋعا باعىتتالعان باستاماسىن قۇپتايدى. ءوز كەزەگىندە دەپۋتات افزال حان بريتان-قازاقستان ىنتىماقتاستىعىنىڭ قورشاعان ورتانى قورعاۋ, جوعارى ءبىلىم, مۋنيتسيپالدى دامۋ سالالارىنداعى پەرسپەكتيۆالارىنا توقتالدى», دەلىنگەن اقپاراتتا.
مانچەستەر قالالىق كەڭەسىنىڭ مۇشەسى ابيد چوحان جەرگىلىكتى وكىلدى ورگاندارداعى جۇمىس تاجىريبەسىمەن ءبولىسىپ, مانچەستەر قالاسىندا ەلىمىزدىڭ باس كونسۋلدىعىن اشۋعا شاقىردى.