جەتىسۋ وبلىسىندا تاۋەلسىزدىك ەسىمدى بالا تۇرادى. وسىنداي ەرەكشە اتتى يەلەنگەن ول پانفيلوۆ اۋدانى كوكتال اۋىلىنداعى اباي اتىنداعى ورتا مەكتەپتىڭ 7 سىنىبىندا وقيدى, قازىر 12 جاستا, دەپ حابارلايدى Egemen.kz.
وبلىس اكىمىنىڭ ءباسپاسوز قىزمەتى ءمالىم ەتكەندەي, 2011 جىلى تاۋەلسىزدىك مەرەكەسى قارساڭىندا دۇنيەگە كەلگەن تۇڭعىش ۇلىنىڭ ەسىمىن اكەسى ىرىمداپ قويعان جانە ايتۋىنشا جەلتوقسان وقيعاسىندا قازا بولعان ءلاززات اسانوۆا كوكتال اۋىلىنىڭ تۋماسى, ال ەربول سىپاتاەۆ پانفيلوۆ اۋدانىنىڭ تۋماسى.
«جەلتوقسان وقيعاسىندا ەل تاۋەلسىزدىگى ءۇشىن قۇربان بولعان ازاماتتاردىڭ ەرلىگى ۇمىتىلماۋى ءتيىس. سولاردىڭ قۇرمەتىنە جانە ەگەمەندىكتىڭ قادىرىن ءبىلىپ ءجۇرسىن دەپ تاۋەلسىزدىك ەسىمىن بەردىم», دەيدى اكەسى باتىربەك ءنۇسىپوۆ.
تاۋەلسىزدىك باتىربەك ۇلى - وقۋ وزاتى, سىنىپ ستاروستاسى. مەكتەپىشىلىك ءىس-شارالارعا بەلسەندى قاتىسىپ, ءاردايىم الدىڭعى قاتاردان تابىلىپ ءجۇر.
مەرەكە قارساڭىندا اۋدان اكىمى مارات ساعىمبەك مەكتەپكە ارنايى بارىپ, ەسىمى ەرەكشە بالاعا سمارتفون سىيعا تارتتى.
نۇسىپوۆتەر – اۋىلدا ۇلگىلى وتباسى. اتالعان وتباسى مال شارۋاشىلىعىمەن اينالىسىپ, ءۇش بالانى سانالى قىلىپ تاربيەلەپ, ەڭبەككە دە باۋلىپ, ەل دامۋىنا ۇلەستەرىن قوسىپ وتىر.