ەۋروپا كومپانيالارىمەن ارىپتەستىك

وتىرىستا رەسپۋبليكانىڭ سالىق جانە كەدەن جۇيەلەرىن جەتىل­دىرۋ, فارماتسەۆتيكا ونەر­كاسىبىن, گەولوگيالىق بارلاۋ مەن اگرارلىق يندۋستريانى دامىتۋ, بيزنەسكە ليتسەنزيا, نەسيە بەرۋ جانە قولداۋ كورسەتۋ, ەكس­پورتتىق-يمپورتتىق وپەراتسيا­لاردى جۇرگىزۋ كەزىندە جۇكتەمەنى ازايتۋ, سونداي-اق باسقا دا بىر­قاتار ماسەلە ەگجەي-تەگجەيلى تال­قىلاندى.

پرەمەر-مينيستر ءوز سوزىندە بۇگىنگى تاڭدا ەۋروپالىق وداق قازاقستاننىڭ ەڭ ءىرى ساۋدا جانە ينۆەستيتسيالىق سەرىكتەسى ەكەنىن اتاپ ءوتتى. ەۋروپالىق ينۆەس­تيتسيا­لاردىڭ جالپى كولەمى  175 ملرد دوللاردان استى. اتاپ ايتقاندا, 6 ايدا ەو ەلدەرى قازاقستان ەكونوميكاسىنا 5,2 ملرد ينۆەستيتسيا سالدى.

«قازاقستاننىڭ سىرتقى ساۋ­داسىندا ەو ۇلەسى شامامەن 30%-دى قۇرايدى. 10 ايدا تاۋار اينا­لىمى 34 ملرد دوللاردان استى. بۇل كورسەتكىشتەر ساۋدا-ەكونوميكالىق ىنتىماقتاستىق­تى ارتتىرۋعا نەگىزدەلگەن جۇيەلى باعىتىمىزدى ايقىنداي تۇسەدى», دەدى ءاليحان سمايىلوۆ.

ۇكىمەت باسشىسىنىڭ ايتۋىن­شا, بۇگىندە قازاقستان ەكونو­­مي­كاسىنىڭ ءتۇرلى سالالارىندا 3 مىڭنان استام ەۋروپالىق كومپانيا تابىستى جۇمىس ىستەيدى, ولاردىڭ ىشىندە Shell, Eni, Air Liquide, Alstom, Claas سياقتى ءىرى ترانسۇلتتىق كور­­پو­راتسيالار بار.

«اعىمداعى جىل ينۆەستي­تسيا­لىق ءوزارا ءىس-قيمىلدى دامى­تۋدا وتە جەمىستى بولدى. ور­تاق پۋل جاڭا ءىرى جوبالارمەن تولىعا تۇسۋدە. بۇعان Svevind كوم­پا­نياسىنىڭ جاسىل سۋتەگى جوباسىن ىسكە اسىرۋى, Total كومپانياسىمەن قۋاتى 1 گۆت بولاتىن جەل پاركىن سالۋ تۋرالى كەلىسىم, Knauf كومپانياسىنىڭ 4-گيپسوكارتون زاۋىتىن اشۋ جوسپارى, سونداي-اق Scania كومپانياسى­نىڭ كولىك قۇرالدارىنىڭ ءىرى قۇ­رام­داس بولشەكتەرىن قۇراستىرۋ جۇ­مىس­تا­رىن ىسكە قوسۋى جارقىن مى­سال بولا الادى»,  دەدى ۇكىمەت باسشىسى.

ونىڭ ايتۋىنشا, قازاق­ستان­دا ەۋروپالىق كومپانيا­لار قاتارىنىڭ ارتا ءتۇسۋى رەس­پۋب­­ليكانىڭ ينۆەستيتسيالىق تار­تىم­دىلىعىنىڭ جاقسارعانىن بىلدىرەدى.

بيزنەس ءۇشىن قولايلى جاع­داي­لار جاساۋ جانە ينۆەستيتسيا­لىق احۋالدى جاقسارتۋ ۇكىمەتتىڭ باسىم مىندەتتەرىنىڭ ءبىرى ەكەنى اتاپ ءوتىلدى.

ء«بىز ساپالى جانە ۇزاقمەر­زىمدى ينۆەستيتسيالاردى تارتۋ ءۇشىن بارىنشا قولاي­لى جاع­دايلار جاساۋعا ۇمتى­لامىز. ول ءۇشىن ەڭ ۇزدىك الەم­دىك ستان­دارت­تارعا سايكەس ينۆەس­تي­­تسيا­­­لار­دى قولداۋدىڭ نورما­تيۆتىك-قۇ­قىق­تىق بازاسى مەن قۇرال­دارى تۇراق­تى نەگىزدە جەتىل­دى­رىلىپ وتىرادى», دەدى ءاليحان سمايىلوۆ.

پرەمەر-مينيستر قازاقستان­دا ESG ستاندارتتارىن ەسكەرە وتىرىپ, ينۆەستيتسيالىق ساياسات­تىڭ 2026 جىلعا دەيىنگى تۇجى­رىم­داماسى قابىلدانعانىن ەسكە سالدى. جوبالاردى ساپالى ين­فراقۇرىلىممەن قامتاما­سىز ەتۋ ءۇشىن ۇلتتىق ينفراقۇرىلىمنىڭ 2029 جىلعا دەيىنگى جوسپارى ازىر­لەنۋدە. جاڭا سالىق كودەكسى ايا­سىندا اكىمشىلەندىرۋدىڭ سەرۆيس­تىك مودەلى ەنگىزىلەتىن بولادى.

«ينۆەستورلارعا مەملەكەتتىك قىزمەتتەردى الۋ جانە جوبالاردى ساپالى جۇرگىزۋ ىڭعايلى بولۋى ءۇشىن ۇلتتىق تسيفرلىق ينۆەس­تي­تسيالىق پلاتفورما ازىرلەنۋدە», دەدى ءا.سمايىلوۆ.

جالپى, پرەمەر-ءمينيستردىڭ ايتۋىنشا, ەل ۇكىمەتى قولايلى ينۆەستيتسيالىق احۋال جاساۋعا باعىت­تالعان مەملەكەتتىك سايا­ساتتى كەزەڭ-كەزەڭمەن جالعاستىرادى.