قازاقستان نيدەرلاند قۇراماسىن جەڭىپ, فۋتزالدان وزبەكستاندا وتەتىن الەم چەمپيوناتىنا جولداما الدى, دەپ حابارلايدى Egemen.kz.
ويىننىڭ 1-ءمينۋتىندا بىرجان ورازوۆ گول سوقتى, ارتىنشا 7-مينۋتتا دۋگلاس دجۋنيور ەسەپتى ەسەلەي ءتۇستى. ماتچ 2:0 ەسەبىمەن اياقتالدى. ۇلتتىق قۇراما بۇگىن ءوز الاڭىندا نيدەرلاند كومانداسىن جەڭدى.
ەندى قازاقستان قۇراماسى 20 جەلتوقساندا الەم چەمپيوناتىنىڭ ىرىكتەۋ كەزەڭىندەگى سوڭعى ويىنىن رۋمىنيامەن وتكىزەدى.
ەسكە سالايىق, بۇعان دەيىن پرەزيدەنت فۋتزالدان قازاقستان مەن نيدەرلاند اراسىنداعى ويىندى تاماشالاۋعا بارعانىن حابارلاعان ەدىك.