سقو پوليتسيا دەپارتامەنتى ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى قازاقستاندا تىيىم سالىنعان "اتا جولى" وككۋلتتىك-ميستيكالىق ءدىني اعىمىنىڭ وكىلى - پەتروپاۆل تۇرعىنىن انىقتادى, دەپ حابارلايدى Egemen.kz.
«تۇرعىلىقتى جەرى بويىنشا ول ءدىني اتريبۋتتاردى قولدانا وتىرىپ, ءداستۇرلى ەمەس ەمدەۋمەن اينالىسقان. بەلگىلەنگەن تارتىپپەن تىركەلمەگەن قوعامدىق, ءدىني بىرلەستىكتەردىڭ قىزمەتىنە قاتىسۋ فاكتىسى بويىنشا قر اكىمشىلىك قۇقىق بۇزۋشىلىق تۋرالى كودەكسىنىڭ 489-بابىنىڭ 10-بولىگى بويىنشا ماتەريال جينالدى», دەپ جازدى سقو پد ءباسپاسوز قىزمەتى.
ايتا كەتسەك, قازاقستاندا 2009 جىلدىڭ 5 اقپانىندا "اتا جولى" اعىمىنا تىيىم سالىندى. سەكتا باسشىلىعىنىڭ ءبىر ءىزباسارى ءوز-وزىنە قول جۇمساپ, الاياقتىق جاسادى دەپ ايىپتاعاننان كەيىن الماتى قالاسىنىڭ مامانداندىرىلعان اۋدانارالىق ەكونوميكالىق سوتى "اتا جولى" جشس-ءنى تاراتۋ, ونىڭ ىشىندە باق ارقىلى وسى سەكتانىڭ قىزمەتىن ناسيحاتتاۋ جانە تاراتۋ جونىندەگى قىزمەتكە تىيىم سالۋ تۋرالى شەشىم شىعاردى.
«نەبارى 11 ايدىڭ ىشىندە سقو پد ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى وبلىس اۋماعىندا ءدىني زاڭنامانى بۇزۋدىڭ 24 فاكتىسىن انىقتادى», دەلىنگەن پوليتسيا حابارلاماسىندا.