ەلىمىزدە قالا كوشەلەرىندە ساموكات ايداۋشىلاردىڭ جول ەرەجەسىن بۇزىپ, كولىك اپاتتارىنا سەبەپ بولۋىنا بايلانىستى بيىلدان باستاپ ولارعا جۇرگىزۋشى كۋالىگىن الۋ مىندەتتەلگەن بولاتىن. كۋالىكتى الۋ ءۇشىن قايدا بارۋ كەرەك؟
بۇل سۇراققا ءىىم م.ەسبولاتوۆ اتىنداعى الماتى اكادەمياسى جەدەل-ىزدەستىرۋ تاكتيكاسى جانە ارنايى تەحنيكا كافەدراسى باستىعىنىڭ ورىنباسارى, زاڭ عىلىمدارىنىڭ كانديداتى, پوليتسيا پولكوۆنيگى تامارا قورجىمباەۆا جاۋاپ بەرەدى.
– ىشكى ىستەر ءمينيسترىنىڭ جول ءجۇرىسى قاعيدالارىن, كولىك قۇرالدارىن پايدالانۋعا رۇقسات بەرۋ جونىندەگى نەگىزگى ەرەجەلەردى بەكىتۋ تۋرالى 2023 جىلعى 30 ماۋسىمداعى №534 بۇيرىعىنا سايكەس جولدىڭ ءجۇرۋ بولىگىنىڭ وڭ جاق شەتىمەن, ونىڭ ىشىندە مارشرۋتتىق كولىك قۇرالدارىنا ارنالعان جولاقپەن ءجۇرۋ ماقساتىندا ساموكات جۇرگىزۋشىلەرى ءۇشىن 18 جاسقا تولۋى جانە كەز كەلگەن ساناتتاعى كولىك قۇرالىن باسقارۋ قۇقىعىنا ارنالعان جۇرگىزۋشى كۋالىگىنىڭ بولۋى مىندەتتى جانە جولدىڭ ءجۇرۋ بولىگىندە باسقارۋى كەزىندە تۇيمەلەنگەن شلەمسىز ايداۋىنا تىيىم سالىنادى.
2014 جىلعى 17 ساۋىردەگى جول ءجۇرىسى تۋرالى زاڭعا سايكەس العاشقى كولىك جۇرگىزۋ ساناتتارىن 16 جانە 18 جاستان باستاپ الۋعا بولادى. جۇرگىزۋشى كۋالىگىن الۋ ءۇردىسىن شارتتى تۇردە مىناداي كەزەڭدەرگە بولۋگە بولادى:
- كولىك قۇرالدارىن جۇرگىزۋشىلەردى دايارلاۋ ورتالىعىن وقىپ, اياقتاعانى تۋرالى كۋالىك الۋ;
- مەديتسينالىق تەكسەرىستەن ءوتۋ;
- ەمتيحان تاپسىرۋ;
- قۇجاتتاردى تاپسىرۋ جانە جۇرگىزۋشى كۋالىگىن الۋ.
جۇرگىزۋشى كۋالىگىن الۋ ءۇشىن مەملەكەتتىك باجدىڭ قۇنى 1,25 اەك قۇرايدى.