اۋا رايىنىڭ كۇرت سۋىتۋىنا بايلانىستى 13 جەلتوقساندا ءبىرىنشى اۋىسىمداعى 0-11 (12) سىنىپ وقۋشىلارى مەن كوللەدجدەردىڭ 1-2 كۋرس ستۋدەنتتەرى (9-سىنىپتان كەيىن تۇسكەن) قاشىقتان وقىتۋ فورماتىنا اۋىستىرىلدى, دەپ حابارلايدى Egemen.kz.
بۇل تۋرالى ەلوردا اكىمدىگىنىڭ رەسمي سايتىندا جاريالاندى.
«قازگيدرومەت» رمك دەرەكتەرى بويىنشا, استانادا 13 جەلتوقسان كۇنى اۋا تەمپەراتۋراسى 33 گرادۋسقا دەيىن كۇرت تومەندەيدى دەپ بولجانىپ وتىر.
«قالا تۇرعىندارى مەن قوناقتارىنىڭ جاراقاتتانۋى مەن ءۇسىپ قالۋىن بولدىرماۋ ءۇشىن قاۋىپسىزدىك شارالارىن ساقتاۋدى جانە كوشەدە ۇزاق ۋاقىت بولماۋدى سۇرايمىز», دەلىنگەن اقپاراتتا.