ورال قالاسىندا ءجاسوسپىرىم كوپقاباتتى ءۇيدىڭ بالكونىنان سەكىرىپ كەتتى, دەپ حابارلايدى Egemen.kz.
"موي گورود" پورتالىنىڭ جازۋىنشا, وقىس وقيعا 9 جەلتوقساندا №6 ىقشام اۋدانىنداعى كوپقاباتتى ۇيلەردىڭ بىرىندە بولعان.
"9 جەلتوقساندا ساعات 23:40 شاماسىندا 2012 جىلى تۋعان كامەلەتكە تولماعان بالا توعىزىنشى قاباتتىڭ بالكونىنان سەكىرىپ, اۋلادا تۇرعان كولىكتىڭ ۇستىنە قۇلادى. ول دەرەۋ اۋرۋحاناعا جەتكىزىلدى", دەلىنگەن حابارلامادا.
بالانىڭ كومادا جاتقانى, جاساندى تىنىس الۋ اپپاراتىنا قوسىلعانى دا ناقتىلانادى.
بقو پوليتسيا دەپارتامەنتى اتالعان فاكتى بويىنشا قىلمىستىق ءىس قوزعاعانىن حابارلادى. سوتقا دەيىنگى تەرگەپ-تەكسەرۋ قر قك-ءنىڭ 105-بابىنىڭ 3-بولىگى, "كامەلەتكە تولماعان ادامدى ءوز-وزىنە قول جۇمساۋعا دەيىن جەتكىزۋ" بويىنشا قولعا الىندى. بۇل باپتىڭ سانكتسياسى سەگىز جىلعا دەيىن باس بوستاندىعىنان ايىرۋ جازاسىن قاراستىرادى.