استانادا «بولاشاق» حالىقارالىق ستيپەندياسىنىڭ 30 جىلدىعىنا ارنالعان فورۋم ءوتىپ, وعان قاتىسۋشىلارعا پرەمەر-ءمينيستردىڭ ورىنباسارى تامارا دۇيسەنوۆا مەملەكەت باسشىسىنىڭ جولداعان قۇتتىقتاۋ حاتىن وقىپ بەردى. ەستەرىڭىزگە سالساق, وسىدان 30 جىل بۇرىن وتانداستارىمىزعا شەتەلدەردىڭ ۇزدىك جوعارى وقۋ ورىندارىندا ءتالىم الۋعا مۇمكىندىك بەرەتىن حالىقارالىق ستيپەنديا تاعايىنداۋ تۋرالى شەشىم قابىلدانعانى ءمالىم, دەپ جازادى Egemen.kz.
ۇكىمەت ءباسپاسوزى قىزمەتىنىڭ مالىمەتىنشە سودان بەرى ەلگە قاجەتتى سالالار بويىنشا 12 مىڭنان استام ماماندار دايىندالعان. قازىرگى ۋاقىتتا 2 مىڭعا جۋىق وتانداسىمىز الەمنىڭ الدىڭعى قاتارلى ۋنيۆەرسيتەتتەرى مەن عىلىمي ورتالىقتارىندا ءبىلىم الىپ جاتىر.
باعدارلاما تۇلەكتەرى شەتەلدە العان تاجىريبەلەرى وراساندىعىن ەرەكشە اتاپ ءوتتى. ارقايسىسى ەل دامۋىنا ۇلەس قوسۋعا نيەتتى ەكەندىكتەرىن ءبىلدىردى.
«مەملەكەت عىلىمنىڭ دامۋىنا جاعداي جاساۋدا, زاماناۋي عىلىمي-زەرتتەۋ ينفراقۇرىلىمىنىڭ قالىپتاسۋىنا قارجى ءبولىپ, حالىقارالىق ارىپتەستىكتى قارقىندى دامىتىپ جاتىر. تالانتتى دا تالاپتى جاستارىمىز بۇل ىستە ءبىزدى قولدايتىنىنا سەنەمىن», دەدى تامارا دۇيسەنوۆا.