قازىر الماتىدا 1986 جىلى جەلتوقسان وقيعاسىنا قاتىسقان 670 ادام تۇرادى. قالا اكىمدىگى بيىل وسى جەلتوقسان قاتىسۋشىلارىنا بەرىلەتىن بىرجولعى تولەم كولەمىن كوبەيتتى, دەپ جازادى Egemen.kz.
بۇعان دەيىن «جەلتوقسانشىلارعا» تاۋەلسىزدىك كۇنى قارساڭىندا ءبىر رەتتىك 150 مىڭ تەڭگە تولەم بەرىلەتىن. بيىلدان باستاپ بۇل سۋمما 250 مىڭ تەڭگەگە ۇلعايتىلدى. باستاپقى جوسپار بويىنشا بۇل تولەم كولەمىن كەلەسى جىلى ارتتىرۋ جوسپارلانعان. الايدا اكىمدىك قارجىسىنىڭ ۇنەمدەلۋىنە بايلانىستى جوسپار ءبىر جىلعا ەرتە جۇزەگە استى.
بۇل تۋرالى كەزەكتەن تىس سەسسيادا ءماسليحات دەپۋتاتتارىنىڭ ساۋالىنا جاۋاپ بەرگەن اكىمنىڭ ورىنباسارى ارمان قىرىقباەۆ ايتتى. 2023 جىلى بۇل كومەكتى 702 ادام الادى دەپ جوسپارلانىپ وتىر.