بۇگىن بىرنەشە وڭىردە وقۋشىلار قاشىقتان وقيدى

«اۋا رايىنىڭ قولايسىزدىعىنا بايلانىستى ءبىرىنشى اۋىسىمنىڭ 0-9 سىنىپ وقۋشىلارى قاشىقتان وقىتۋ فورماتىنا اۋىستىرىلادى», دەلىنگەن قالالىق ءبىلىم باسقارماسىنىڭ حابارلاماسىندا.

سونداي-اق پاۆلودار وبلىستىق ءبىلىم باسقارماسى مەكتەپتەردە ساباقتاردىڭ توقتاتىلاتىنى تۋرالى حابارلادى. بۇگىن ءبىرىنشى اۋىسىمنىڭ 1-9 سىنىپ وقۋشىلارى ءۇشىن ساباق قاشىقتان وتەدى.

اباي وبلىسىنىڭ اكىمدىگى دە بورودۋليحا اۋدانىندا ءبىرىنشى اۋىسىمدا 1-11 سىنىپ وقۋشىلارى, ال بەسقاراعاي اۋدانىندا 1-4 سىنىپ وقۋشىلارى قاشىقتان وقىتۋعا كوشىرىلىپ جاتقانىن حابارلادى.

سونىمەن قاتار قوستانايدا جانە قوستاناي وبلىسىنىڭ بىرقاتار اۋدانىندا 8 جەلتوقساندا ءبىرىنشى اۋىسىمنىڭ 0-11 سىنىپ وقۋشىلارى قاشىقتان وقىتۋعا كوشىرىلەتىنى حابارلاندى.