جەتىسۋ كاسىپكەرلەرىنىڭ بازىناسى

ەسكە سالساق, وڭىرلىك كاسىپ­كەرلەر پالاتاسىنىڭ الا­ڭىندا بولشەك سالىق مولشەرلەمەسىن تومەن­دەتۋ ماسەلەسى بىرنەشە رەت كوتە­رىلگەن بولاتىن. 2023 جىل­دىڭ 20 ناۋرىزىندا قول قويىلعان زاڭ جەرگىلىكتى وكىلدى ورگاندارعا بولشەك سالىق مولشەرلەمەسىن جارتىلاي تومەندەتۋ قۇقىعىن بەردى. سودان كەيىن دەپۋتاتتار سالىقتىڭ بۇل ءتۇرى شىنىمەن جوعارى دەپ سانادى. حالىق قالاۋلىلارى مولشەرلەمەنى تو­مەن­دەتۋ كەرەك دەپ ەسەپتەپ, كا­سىپ­كەرلەردى تولىعىمەن قول­دادى. وسى شارا جۇزەگە اسسا, وڭىر­دەگى كاسىپكەرلىكتىڭ نەعۇر­لىم بەلسەندى دامۋىنا ىقپال ەتەتىنى انىق. سونداي-اق كىرىس­تەر­دى «كولەڭكەدەن» شىعارۋعا مۇم­كىندىك بەرەدى.

ءار ءماسليحات اۋداندار مەن قا­لالار دەڭگەيىندە سالىق مول­شەر­­لەمەسىن قانشالىقتى ازاي­تۋعا بولاتىنىن ەكونوميكا­لىق نەگىزدەمەلەر مەن جەرگىلىكتى بيۋد­­جەتكە اسەر ەتۋدى ەسكەرە وتى­رىپ, جەكە شەشەدى. وڭىردە وسى با­عىتتا بارلىق قادام جا­سال­عان سياقتى. ايتسە دە جىل اياق­تا­لۋعا جاقىن, ەشقانداي شەشىم قابىلدانبادى.

كاسىپكەرلەر بۇل جاڭاشىل­دىق­تى وڭ قابىلدادى, ويتكەنى ولارعا دا شىعىندارىنىڭ تومەن­دەتۋدىڭ ءبىر جول وسى. ساۋدا نۇك­تەلەرىنىڭ يەلەرى مەن قىزمەت كورسە­تۋشىلەر سالىقتان باسقا, ليتسەن­زيانى پايدالانۋ ءۇشىن دە اقى تولەيدى. سونىمەن قاتار ساقتاندىرۋ, زەينەتاقى جانە باسقا دا تۇراقتى جارنالار بار. وسىنداي قارجىلاي كەدەرگىلەر ميكرو كاسىپورىندارعا قىزمەت اياسىن كەڭەيتۋگە مۇمكىندىك بەر­مەيدى.

ء«بىزدىڭ باستامامىز بويىنشا ساۋدا جونىندەگى سالالىق كەڭەس جەتىسۋ وبلىسىنىڭ اۋدان­دا­رى مەن قالالارىنىڭ بار­لىق ءماسليحاتىنا ارنايى حات­تار جولدادى. التى اي كۇتتىك, تۇپ­كىلىكتى جاۋاپ بەرىلمەدى, نە تومەن­دەتىلەدى, نە قالاتىنى قا­بىل­دانبادى. دالىرەك ايتساق, ءبىز ساۋالىمىزعا جاۋاپ المادىق. ال كەيبىر جاعدايلاردا, مىسالى, تەكەلى قالاسى ءماسليحاتىنان بولشەك سالىق مولشەرلەمەسىن تومەندەتۋ ماسەلەسى بويىنشا ۇسىنىستار تۇسپەگەنى تۋرالى بىزگە حات كەلىپ ءتۇستى», دەيدى ساۋدا جو­نىندەگى سالالىق كەڭەسىنىڭ تورا­عاسى ەديل قازاقپاەۆ.

نەلىكتەن ۇدەرىس سونشالىقتى كە­شىكتىرىلدى؟ بۇل ارەكەت كاسىپ­كەر­لەر ءۇشىن تۇسىنىكسىز بولىپ وتىر. جاۋاپتى سالالار وسى ۋاقىت بويى دايىندىق جۇ­مىس­­تارى جۇرگىزىلگەنىن ايتۋدا. ءتىپ­تى جاقىن شامادا شە­شىم قا­­بىل­داۋعا ۋادە بەر­گەنىن حا­بار­­لادى. بىراق تاعى دا سيىر­قۇ­يىم­­­شاقتانىپ كەتە مە دەگەن قاۋىپ بار.

مەملەكەتتىك كىرىستەر كومي­تە­تىنىڭ رەسمي اقپاراتىنا سۇيەن­سەك, جەرگىلىكتى وكىلدى ورگان بول­­­شەك سالىق مولشەرلەمەسىن تو­مەن­دەتۋ تۋرالى وڭ شەشىم قا­بىل­دا­عان جاعدايدا, بۇل زاڭ 2024 جىلدىڭ قاڭتارىنان باس­تاپ كۇ­شىنە ەنۋى مۇمكىن. ال شەشىم كە­يىنىرەك قابىلدانسا, وندا سا­لىق كودەكسىنىڭ 696-3-بابىنىڭ 5-تارماعىنىڭ نورماسىن ەسكەرە وتىرىپ, ءجوو-نىڭ بولشەك سالىق مولشەرلەمەسىن تومەندەتۋ تۋرالى شەشىمى 2025 جىلعا شەگەرىلمەك.

بۇگىندە استانا قالاسىندا, قىزىلوردا جانە قاراعاندى وب­لىس­تارىنىڭ بىرنەشە ەلدى مە­كەن­­دەرىندە حالىق قالاۋ­لى­لارى بولشەك سالىق مولشەر­لە­مە­سىن شىلدەگە دەيىن تومەندەتۋگە دا­ۋىس بەرگەن. سونىڭ ناتيجەسىندە مولشەرلەمە تومەندەگەن. ەندى مۇنداي مۇمكىندىكتى جەتىسۋ وب­لىسىنىڭ كاسىپكەرلەرى دە پايدالانىپ كورگىسى كەلەدى.

جەتىسۋ وبلىسى