تالعارداعى 81 وقۋشى ءبىلىم الاتىن جەكە مەنشىك مەكتەپ مۇعالىمى وقۋشىنى يتەرىپ, جەرگە قۇلاتقان. وقۋ-اعارتۋ مينيسترلىگى وقيعا قازان ايىندا بولعانىن ناقتىلادى. بۇگىندە ساباق ۇستىندە پەداگوگيكالىق ەتيكاعا جاتپايتىن دورەكى مىنەز كورسەتكەن مۇعالىم جۇمىستان شىعارىلدى, دەپ جازادى Egemen.kz.
مۇعالىم باستاۋىش سىنىپ وقۋشىسىن تاپسىرمانى دۇرىس ورىنداماعانى ءۇشىن ۇرىسىپ, توسىننان يتەرىپ, ەدەنگە قۇلاتقان. ول مۇنىمەن قويماي, «تۇر, جاتپا» دەپ داۋىس كوتەرىپ, بۇيىرا سويلەگەن.
ۆيدەونى tengrinews.kz -كە اتا-انالار جولداعانتەكسەرە كەلە تالعارداعى جەكە مەنشىك مەكتەپتىڭ ارنايى ليتسەنزياسى دا جوق ەكەنى انىقتىلدى.
پروكۋراتۋرا مۇعالىمنىڭ ۇستىنەن قىلمىستىق ءىس قوزعالعانىن مالىمدەدى.
وقۋ-اعارتۋ مينيسترلىگى وقيعاعا قاتىستى:
ء«بىلىم باسقارماسىنىڭ مالىمەتىنشە, اتالعان وقيعا وسى جىلدىڭ قازان ايىندا بولعان. وقۋشىنىڭ اتا-اناسى قۇقىق قورعاۋ ورگاندارىنا شاعىم جولدادى. ورەسكەل قىلىق كورسەتكەن مۇعالىم قىزمەتىنەن بوساتىلدى. قازىر قۇقىق قورعاۋ ورگاندارى تەرگەۋ امالدارىن جۇرگىزىپ جاتىر», دەپ جازىلعان مالىمدەمە تاراتتى.