كىتاپ ورتالىعى اشىلدى

مەملەكەت باسشىسى تۇر­كىستاندا وتكەن ۇلتتىق قۇرىل­تايدا وسكەلەڭ ۇرپاقتىڭ تار­بيەسى مەن بىلىمىنە, ۇلتتىق مۇددەگە ساي كەلەتىن كىتاپتار باسىپ شىعارۋعا ەرەكشە نازار اۋدارعان ەدى. ول كىتاپ شىعارۋ ءىسى يدەولوگيالىق جۇمىستىڭ باس­تى باعىتتارىنىڭ ءبىرى ەكە­نىن اتاپ ءوتتى.

وسىلايشا, «Amanat» پار­تيا­سىنىڭ ادەبيەتكە دەگەن قىزىعۋشىلىقتى ارتتىرۋ, ادامداردى كىتاپ وقۋعا ىنتالاندىرۋ, وتاندىق كىتاپ شىعارۋشىلاردى قول­داۋعا باعىتتالعان «كىتاپ-Amanat» جوباسى قاسكەلەڭدە كەزەكتى كىتاپ ور­تالىعىنىڭ اشىلۋىنا ۇيىتقى بولدى.

پارتيانىڭ الماتى وبلىس­تىق فيليا­لىنىڭ توراعاسى قۋات بايعوجاەۆ ور­تالىقتىڭ بۇگىندە 2 مىڭعا تارتا كىتاپ قورى بارىن اتاپ ايتتى. «بۇعان دەيىن 80 مىڭنان اسا تۇرعىنى بار قاس­كەلەڭ قالاسىندا بىردە-ءبىر كىتاپ دۇكەنى بولماعان. ال بۇگىن 2 مىڭعا جۋىق كىتاپ قورى بار ايرىقشا ۇلگىدەگى ور­تالىق اشىل­دى. كىتاپتار بارىنشا ارزان باعادا ساتىلادى. قازاقشا كىتاپتىڭ ءتۇر-ءتۇرىن كەزدەستىرۋگە بولادى. بۇل جوبا ەلىمىزدەگى قازىرگى زامان اۆتور­لارىنىڭ شىعارمالارىن عانا ەمەس, جالپى وتاندىق ادە­بيەتىمىزدى ىلگەرىلەتۋگە باعىت­تالعان», دەي­ى فيليال توراعاسى.

ال حالىقارالىق «الاش» سىي­لىعىنىڭ لاۋرەاتى, جازۋشى-پۋبليتسيست جۇماباي شاشتاي ۇلىنىڭ ايتۋىن­شا, قوعامدا كىتاپ وقيتىن وقىرمان بار, تەك ناسيحات جەتكىلىكسىز. «ۇلكەن قالالاردا ساتىلىمدا بار كىتاپتار شالعاي ايماقتاعى ەلدى مەكەندەردىڭ دۇكەن سورە­لەرىنە جەتپەي جاتادى. كوپ جاعدايدا قانداي كىتاپتاردىڭ جارىققا شىعىپ جاتقانى تۋرالى وقىرمان بىلمەي دە قالادى. ال «كىتاپ-Amanat» جوباسى – وتاندىق ادەبيەتتى قولداۋ باعىتىنداعى ماڭىزدى قادام. وقىرماندار ءۇشىن كوركەم شىعارمالار, بالالار ادەبيەتى, وقۋلىقتار مەن ادىستەمەلىكتەر, عىلىم مەن بيزنەس, پروزا مەن پوەزيا, پسيحولوگيا تۋرالى تۋىن­دىلار كوپشىلىك نازارىنا ۇسىنىلعان. سوندىقتان مۇن­داي فورماتتاعى ورتالىق كوپ­­شىلىكتىڭ كى­تاپقا دەگەن قى­زىعۋشىلىعىن ارتتىرادى», دەيدى جازۋشى.

كىتاپ ورتالىعىنا ال­عاش­قى­لاردىڭ ءبىرى بولىپ باس سۇق­قان ءمادي ءسايدىلدين ەسىمدى وقىر­­مان مۇنداعى قوناقجاي پەيىلدىڭ وزىنە قاتتى ۇناعانىن ايتا كەلىپ, «كرەاتيۆكە تولى قۇتحانا» دەگەن پىكىرىن ءبىلدىردى. ول ءوزىنىڭ جەكە كىتاپحاناسىن قايرات جولدىباي ۇلىنىڭ «كەمەل ادام» تۋىندىسىمەن تولىقتىردى.

ورتالىقتا اۋقىمدى ءىس-شارالار, كەلەلى كەز­دەسۋلەر وتكىزۋگە بولادى. سون­دىقتان «Amanat» پار­تياسى الماتى وبلىستىق پار­تيا فيليالى الداعى ۋا­قىتتا ەلگە تانىمال قالام­گەرلەردىڭ كىتاپ كور­مەلەرى مەن تۇساۋكەسەرلەرىن وسىندا ۇيىم­داستىرۋعا مۇد­دەلى.

ەسكە سالا كەتەيىك, بۇعان دەيىن مۇنداي ورتالىقتار اس­تانا, الماتى, شىمكەنت قالا­لارى مەن جامبىل, قارا­عاندى, اقتوبە, اقمولا, پاۆ­لودار, جەتىسۋ وبلىستارىندا اشىلىپ, كىتاپ دۇكەندەرى قازىرگى تاڭدا تۇرعىندارعا تۇراقتى قىزمەت كورسەتىپ وتىر.

الماتى وبلىسى