ويناي وتىرىپ ويلاي بىلەتىن ورتا قالىپتاسىپ كەلەدى. ولار – زاماناۋي ءارى كرەاتيۆتى ويلايتىن جاستار. ولاردى تابىستىرعان كوڭىلدى كۋيز ينتەللەكتۋالدى ويىن الاڭى. وسىنداي زياتكەرلىك بايگەدە «Egemen Qazaqstan» گازەتىنىڭ تىلشىلەر قوسىنى وي وزدىرىپ, توپ جارعان ەدى.
قازىر بۇل زاماناۋي زياتكەرلىك ويىن كوپشىلىككە كەڭىنەن تانىلا باستادى. بۇگىندە استانا قالاسىنىڭ وزىندە 20-دان اسا كۋيز ويىنى تۇراقتى تۇردە ايىنا بىرنەشە رەت ۇيىمداستىرىلادى. بىراق بۇل كۋيزدەردىڭ كوبى ورىس تىلىندە وتەدى. قازاق تىلىندە وتەتىن كۋيزدەر ساناۋلى عانا. بيىل بۇل قاتار تولىعا ءتۇسىپ, «TezTap», «Bastime» ويىندارىنا IQas كورپوراتيۆتىك كۋيزى قوسىلدى.
ويىننىڭ ۇيىمداستىرۋشىسى مەرەي ەرمۇحانوۆتىڭ ايتۋىنشا, IQas كۋيزىنىڭ ەرەكشەلىگى – قاتىسۋشى قۇرامالار ءبىر ۇجىمنان قۇرالادى. ياعني ءبىر ۇجىمداعى قىزمەتكەرلەردىڭ ءوزارا بايلانىسىن نىعايتۋعا سەپتىگى مول.
اي سايىن وكىزىلىپ تۇراتىن IQas كورپوراتيۆتىك كۋيزىنە ءبىزدىڭ «ەگەمەن» كومانداسى تۇراقتى قاتىسىپ كەلەدى. بۇعان دەيىن ەكى رەت قاتارىنىن ەكىنشى ورىن يەلەنگەن ەدىك. وسى جولعى قاراشا ايىنىڭ قورىتىندى ويىنىندا ءبىزدىڭ كوماندا 32 ۇپايمەن توپ جاردى. ال ەكىنشى ورىندى 26 ۇپايمەن «KEGOC» اكتسيونەرلىك قوعامىنىڭ كومانداسى يەلەنسە, 25 ۇپايمەن ءۇشىنشى ورىندى ينجەنەرلىك تەحنيكالىق ورتالىعىنىڭ قىزمەتكەرلەرىنەن قۇرالعان «رمك» كومانداسى الدى.
IQas جوباسى وتە قىزىقتى, ادەتتەگى كۋيز فورماتىندا جاسالسا دا, وزىندىك ەرەكشەلىگى بار. سۇراقتارى اسا كۇردەلى ەمەس. كەز كەلگەن قاتىسۋشى جاۋابىن تابا الاتىنداي لوگيكاعا قۇرىلعان.